جرحك كـريم .. وذكرياتك كريمه صدرالحزيـن يطاوع الضيق و يضيق من كل صوب وتصبـح العـيـن ديـمـه يـنــزل مطـر و يـلــوح برّاق و تفيـق كـل الجــروح المبطـيـات الـقــديـمــه و أنا عـلـى الـدنـيـا قـليـل التوافـيـق ما غيـر أساوقهـا بـرأي و عـزيــمـه يا فـوح قلبـي مثـل فـوح الاباريـق عـلـيــك ياللـي لـك عروقـي محيمـه أقبلت لي و الحـب حـظ و توافـيـق و أقفيت عـنـي و النتايـج وخـيـمـه علّقـت نفـسـك فـي زوايا المعاليـق و حطّيت لك بين الحنايـا وسـيمـه و أصبحت عندي فوق كـل المخاليـق تخطي و لا لك غيـر قـدر و حشيمـه و انا و ربي مـا نقضـت المواثـيـق لا زلت أشوفـك راس مال و غنيمـه دونك سحاب الدمع و مشـارق الريـق و عقبك ضياع و جرح قلب وهزيمـه وان بعتنـي بالسـوق بيـع الصناديـق عـز الله انــك بـعـتـنـي دون قــيــمـه لـيـتـك تشـوف ابـواب قلبـي مغاليـق ما هـيـب لا و الله ( عـادة حلـيـمـه ) ما همنـي و النـاس جمـع و تفاريـق ما دمـت منت بـ فيـه روحـي يتيمـه يا صاحبـي تبكـي عليـك الطواريـق جــزل البيوت الفــاردات العـديـمـه ارحل و طيبك فوق روس الشواهيق لا تلتفـت لـي يـا قـــويّ الشــكيـمـه و أنا علـى خبـرك وريـث المطاليـق راعي مواجيب و شجاعه و شيمـه مثل الجبل و أقرب مثل عندك طويق شــامخ لـو ان الريح تنحـت صميمه يــالله عـسـى فالـك معـزه وتـوفـيــق ياللي جعلت أهـداف عمـري عظيمـه عقبك لي الله ثـمّ شمـس المشاريـق و الشرقـي و هبّـة هـواه و نسـيمـه و الشوق وهموم الجـروح المفاتيـق و الـبـرد والحـزن وشـوارع رحيمـه يالغالـي الـلـي كنّـك بقـلبـي اتـويـق جـرحـك كــريــم و ذكرياتك كريمـه أنت و أنا نشـبه حضارات الأغريق القــوم راحــوا و الحضاره مقـيـمـه |
. . إحساس بعض من الذكريات لا تغادر والاكثرها التي تركت جرحها لم نطيب منها هي تزاول عملها إنتقاء جميل :73344: |
مرورك الأجمـل .. :81: |
يالغالـي الـلـي كنّـك بقـلبـي اتـويـق جـرحـك كــريــم و ذكرياتك كريمـه الله الله عليك شكرا لك ع النقل الراقي ننتظر طرحك المقبل |
:MonTaseR_12:شكرا لك ع النقل الراقي .. تحياتي |
أنت و أنا نشـبه حضارات الأغريق القــوم راحــوا و الحضاره مقـيـمـه فنيت الاجسام و بقيت الحضاره كلمات جميله دخلت قلبي بعذوبتها وجمال كلماتها استمر يارعاك الله اسلوب جميل وكلمات اجمل |
الساعة الآن 03:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا