ياقلب
 

ياقلب طالت قسوتك وأنت لين
في قسوتك ياقلب ويش انت لاقي !؟

اللي تعدى عمر ماهوب هين
والعالم الله كم من العمر باقي !

يمكن يطول .. ويمكن اليوم أعين
موتي .. ويبكون الحبايب فراقي

وش عاد أسوي وسط قبري وأزين ؟!
لاجفت عروق .. وعيون .. وسواقي

لا عاد به فرصة عشان اتحين
ولا عاد به زفرة وأفك اختناقي

باكر وكل اللي سترته يبين
وانا على هالحال ميس وهاقي

مدري متى يهديني الله وأدين
وأكف عن بعض المشاوير ساقي

الشكر لك ع المرور
لاتحرمنا تواجدك الدائم .