|
مساعدة يا احبائي السلام عليكم حبايبي مستر روي معكم لاول مرة هنا.. عندي موضوع صاير معي مخليني عايش باكتئاب و تعب اتمنى ما اشرح كتير و اكتب كتير كرمال ما تملوا انا شاب عمري ٢٧ سنة واقع بالحب مع فتاة ٢١ سنة صرلنا سنة و اهلي طالبينها من اهلها و البنت بتحبني و بتجن علي و بدنا نخطب عاساس بشهر كانون الاول، هلأ حبيبتي، بحسها بطلت متل اول ايام حبها الي، كانت تكذب عليي لتحكيني، تعمل حجج لتضل تحكيني، تفتح مواضيع طويلة كرمال ما غيب عنها ( هون عم احكي عن برنامج الوتس اب لنتواصل) المهم حب بريئ و جميل و مريح، و انا متلها بس اكتر، مرت السنة و من فترة لا تتعدى الثلاثة اسابيع!! حسيتها تغيرت معي كتيير، بس كنت من اولوياتها انا و اهم شي عندها و ما تفارقني ولا لحظة، و تضل فاتحة الشات عندي ليل نهار كل شيي صار بالعكس.. صارت بس تلاقي وقت تحكيني، بس احكيها لترد علي بسس تخلص حكي مع يلي عم تحكيهن، تقلي رايحة او بس ترجع بتحكيني، بلاقيها بعد وقت فاتحة و عم تحكي عليه، و حتى كلمات الحب منها اختفت تقريبا، متل كاني صرت اشحد كلمات الحلوة منها شحادة.. اشياء ما بحب تعملها عم تعملها.. انا معها ماشي صادق ١٠٠٠ % ما بخونها لو بنظرة مع بنت تانية، عايش عندها بالشات بخاف طول لرد عليها، بحبها كحب طفل مشتاق لامه، حكيتها مرتين عن تصرفاتها و سالتها اذا بتحبني او لا، و دايما جوابا بحبك و ما رح تخسرني و هالامورر.. بالنهاية يا جماعة فهموني شو صاير ليش التغيير، وين الصبايا بيفهموا عبعض و شكرا لكم، و دمتم بحفظ الله مستر روي |
اهلين عزيزي مستر روي اول شي مبروك الخطبة مقدماً ويارب الحياة بينكم من اجمل لأجمل ثاني شي يمكن البنت تتغلى عليك لاتشوف قد ايش انتا بتحبها وتشوف اهتمامك فيها وان شاء الله هذا السبب وفي سبب اخر بس ماراح اذكره لانه يارب مايكون هو انت بس اسألها وشوف ايش في خاطرها لازم تصارحها وتشوف ايش السبب وايش اللي خلا العلاقه تبرد هذا الي في بالي ويارب الامور تصلح بينكم تحية طيبة لك |
اقتباس:
انا حكيتها يلي بقلبي و استفسرت منها، ردها الي انو بتحبني و معي للاخر، قلتلها اذا انتهى حبك قوليلي و ارحميني من تعبي قالت لاا بحبك رح ضل حبك، و رجعت اعتذرت لانها هملتني، و رح تصلح تصرفاتها بس تاني يوم كان ما حكينا شي بعدني حاسس بفراغ و ردود متاخرة، بس لما كون معها بحس الدني مش سايعتها من الفرحة، صير فكر معقول في حدا تاني بتحكيه وقت ما كون حدها ؟ |
السلام عليكم كل علاقات الحب تبدأ في جو كله رومنسيه وكلام جميل ولكن مع مرور الوقت تقل الرومنسيه بسبب الضروف المعيشيه ومشاكل العمل والضغوظات وتدخل العايلات في علاقه احد الطرفين وامور كثيره .... ولكن نصحتي لك بعدم اليأس والمصارحه من البدايه في كل شيء اتمني لك حياه كلها حب وفرح...في امان الله ...مستر روي . |
اقتباس:
لا ان شاء الله مافيه حدا تاني لاتفكر هيك انا لما قلت شي ماراح اذكره وان شاء الله مايكون هو مش قصدي هالشي قصدي ممكن تكون ملت وبس لا تفكر افكار غلط وتتعب وتهتم انوه فيه حدا غيرك بقلبها هذا شي طبييعي مع الوقت يصير الي هو الملل لكن ان شاء الله لما تكونو في بيت واحد راح تتغير الامور باذن الله للاحسن بورك فيك |
، استعجل بـ زواجك لا تتأخر ملت من الانتظار اذا جت عندك تغير العلوم كلها :MonTaseR_172: |
شكرا لكم اخواتي، تسلمولي |
أخي الغالي ، اذا كنت فعلا ناوي زوآج .. الله يجمعكم على خير .. افضل حل لمشكلتك معاها .. المصارحه .. روح اسألها الاسئلة اللي قلتها في الاخير .. محد يقدر يجاوب عليها الا شخص وآحد .. هو الشخص اللي تحبه انت .. لأن الامر راجع له في الاول و الاخير .. |
طبيعي اي علاقه بجيها فتور وبرود فتره وبتتعدل الله يجمع بينكم ع خيرويوفقكم |
يسعد صباحك مستر روي كذا احساسي يقول إنها تحاول تثقل شوي قبل الزواج يمكن عشان تشتاق لها أكثر و الاحتمالات كثيرة يمكن أهلها طلبوا منها هذا الشي و لو تقدر تعجل بالزواج عجل به ربي يوفقكم و يتمم عليكم على خير و يجعل حياتكم عامرة بالسعادة و الانسجام |
اهلا اخي مستر روي يمكن البنت ملت من البعد والتواصل هاتفياً وبدها تتجوزك لا تستعجل وتحكم عليها يعطيك العافية |
حبايبي مشكور عالمساعدة والله بظن متل ما قالت اقحوان، التواصل من خلف الشاشة اكثر من اللقاءات، رح حاول شوفها اكتر، و عجل بالخطبة و الزواج و جزاكم الله خيرا |
يسعد صباحكم وكل اوقاتك اخي روي بعض الاحيان بيمر الانسان بفترة بيشعر ان الحياة ضده بمعنى: انت او بالاحرى اهلك بيأجلوا الخطبة وهذا الامر جعل البنت يمكن تفقد جزء من الامل انا اقول يمكن طالما في توافق حاول تعجل اقل شي خطبة او خطوة تجعل البنت تستعيد حيوية التواصل بينكم الله يوفقك لما يحبه ويرضاه ويجمعكم قريباً بالحلال ربي يسعدك |
وعليكم السلام الله يتمم لكما على خير ويبعد عيون الحساد عنكما هههههههههه:MonTaseR_221: الاخوة كفوا ووفوا ولكن كل انسان وداخله صراعات او مجموعة من الأشخاص الاخرين قد تكون الفتاة تمر بفترة مزاجيه لخبطة تفكيرها او قد تكون سمعت كلاما لخبطة احلامها او تكون ........................................ المهم انت ادرى بها وبظروفها وبمن حولها فقط خذها نصيحة في الحياة الشيئ اذا زاد عن حده انقلب لضده لاتكثر من اللهفة الحب انواع واحيانا يتبخر بمجرد كلمة لا تكثر من الوسوسه والتفكير لما تغيرت انت نفسك اذا نهجت معاها نفس المنهج وكان ليس هناك شيء يغطي فراغك فستحس هي ايضا بنفس احساسك توكل على الله وعجل وعجل موعد زواجكما هذا حلك الوحيد اما كلام المعسل والواتساب والخطبة مجرد حبر من الاحلام قد يتبخر حتى لو بقي 10 سنوات الله يتمم لك على خير ويجمعكم في الحلال |
الف مبروك خيو اولا ثانيا تصير هاي الامور بسبب ملل او اشياء خارجة عن اردتها لازم تستفسر منها ايضا الاسلوب له دور اخووي حاول تغير شوي من جو اللقاءات بينكم والروتين المعتاد الله يوفقكم خير البر عاجله لا تطول الموضوع |
اهلا اخي روي اول حل :انك تقعد معهاا وجه لوجه اما انك تفهم ما يحصل من خلف الشاشة الامر مستحيل ثاني حل: بما انك قلت ان اهلك مكلمين اهلهاا ارجع اطلب منهم تاكيد امر خطبتك لها واكيد اهلها سيردون برد يرضيك بما انها تحبك وتعدك بالاستمرار معك هذا الامر لتخلص من الوسواس والظنون التي بداخلك ثالث حل :قلل من لهفتك وستسالك نفس سؤالك اذا بتحبها ولا لا رغم انك وفي لهاا يمكن قاعدة تجرب مدى اهتمامك بهاا لان كلام الحب والغرام يصبح ملل بالنسبة للفتاة والاهتمام يصبح اهم منه رابع حل: وهو الانسب اخطبهاا بدون تاجيل ورتاح من كل انواع التفكير كثرة التفكير ممكن تفسد علاقتكم قبل بدايتها الحقيقية الله يوفقك ويتمم امورك على خير ونسمع خبر زواجك قريباا ان شاء الله |
اولآ / أخوى نقولك مقدمآ الف مبروك ثانيآ / هذا كله حركات منها تتغلا عليك وكل البنات كذا ثالثآ / اذا انت تمون على امها خل يدك بيدها تراء العجايز عندهن حل وربط بس امها هى على قيد الحياه ام لا اذا كانت امها عمتك او خالتك او قريبه لك تنحل المشكله |
أخي الكريم.. إذا كنت مسلماً فالإسلام يحرم العلاقات بين الجنسين ما قبل الزواج حفاظاً على الأعراض، وإذا كنت غير مسلم فمن المنطق أن تصبح العلاقة متوترة وغير مستقرة من قبل أحد الأطراف لأن الإسلام ينظم هذه العلاقات بطريقة شرعية، لذا أنصحك بالرجوع للقرآن الكريم فيما يخص موضوعك وقراءة سورة النساء وسورة النور، ففيهما مجمل الأحكام التي تنظم الزواج والعلاقات الشرعية بين الجنسين. وتقبل خالص التحية والتقدير ،،، |
| الساعة الآن 08:29 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا