المحال " تعريفـ المُحَـال " : جاني واحد قال : بسأل كم سؤال وقبل يسأل قلت : أنا ماني خبير ! قال: جاوب بس , يا ولد الحلال وكل كلمه حِطَّهَا .. فبيتٍ صغير قال نبدي : شنهو تعريف المُحال..؟ قلت : خَل الكلمهـ فـ الشطر الأخيـر ..! القهر : إن شفت دمعـات الرجال والوطن : ( إنسان ) .. مِتغيِّر كثير والطفل : لعبه على شاطـي الرمال والأمل : إحساس في عين الضرير الوفا : [ قلبين ] .. يجمَعهُم حلال والرَجُل : اللـي علـى أهلـه يغير والرجا : لا قلت : للواطـي تعال والفشل : مدري .. ولكنـه مرير الشعر : في وقتنا .. بدر وطلال وكان أوَّل : حيـل يعجبنـي جرير ..! والغلا : إحساس إلى حَـد الخيال والعِشِق : لا شفت مَعشُوقِك تطير والجفا : إعكس مفاهيم / الوصال والوَصِل : يعنـي تأكَّـد فيك خير والعقل : تِسْفَـه أقاويـل الجهال والجهل : إن قلت عن نفسك كبير والخطر : لا صار ما عندك مجال والبلا : إن صرت معدوم الضمير والعجب : لا صرت تسأل منهو قال والتعب : إن كنت تِبْحَثْ عن مصير الغنى : بالنفس ما هو راس مال والفقر : من كان .. بأعماله فقير يكفي يكفي .. أسئله إنهي الجدال ويالله علمني عَن .. السِّر الخطير ما أبي تضرب لي في غيرك مثال قول : عنِّك وإعتبر سِرِّك في بير جات طعنـه مِن جنوبك والشمال يعني وضعِك بين مِن حُولك خطير صاحبـي وإن ضاقت بعينك ليال لك فرشت القلب مفروش الحرير في [ بلاد الحلم ].. ممنوع العقال والمصيبه الشعب ما أختار الأمير وما ألومك .. كان شدِّيت الرحال دام بيتك جرح / وفراشك حصير هذا تعريفي إلى كلمة : مُحَال شي ودِّك فيه ولا يمكن يصير ..! |
يعطيك العافية على النقل الرائع |
بدعت يا زعيم الف شكر لذوقك الجميل:MonTaseR_91: |
سعيد جدا بمروركم حبايب قلبي . |
الساعة الآن 03:20 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا