ياجماعة انا حاسة اني بعيش غريبة مع زوجي لانه دايم يجلس لحاله وانا لحالي حاولت كثير واتكلمت معاه بخصوص الموضوع بس هو ما عنده مشاعر وما بيحس ما بحسه يشتاق لي او متلهف انه يشوفني حياتي معاه صارت روتييين ملل لانه ضامني وبحسه احيانا انه بيستغلني وانا تعبت بصراحة ومدري ايش اسوي معاه صرت لما ابي اروح له احس بإيهانة بكرامتي لاني ما بلاقي اي منه اي استجابة للي كنت بعمله معاه فخلاص الحين عايشيين بنفس البيت زي الغرب كل كلامنا عن العيال واغراض البيت بس ايش اسوي لاني طفشت على فكره صار لي متزوجة مدة ٨ سنوات وعندي ٣ عيال ولد وبنتين.. واهلي بعيدين عني في بلد ثانية وماعندي صحبات بيوتهم قريبة مني اقدر اخرج معاهم بيوتهم بعيدة وهو اللي يوديني لهم اذا صار وعزموني وطبعا العزيمة تكون كل فين وفين وبصراحة صرت احس بملل بحياتي ما صرت البس او اتشيك او ارتب غرفتي حاسة اني ماله من كل شي وهو ولا تفرق معاه وجودي معاه من عدمه احيانا لما اروح له مكان جلستة احس اني اتنازل والوم نفسي كثيير واقول ليش ضعفت ورحت له واندم على اللي سويته لان مافي اي استجابة منه

لا حول ولا قوة الا بالله العلي العظيم..
مع الاسف هذه مشكلة الكثير وحتى بالعكس ايضا يعني الزوجة اذا عندها شغل ودوام يكون حال الزوجة كذا..

أسأل الله تعالى ان يمن بفضله ورحمته عليك وعلينا..

اخوي انا اتكلمت معاه كثييير وتعبت منه عشان كذا صرت اعيش حياتي لعيالي ولنفسي بس والحمدلله على كل حال

اخوي مراقب استبعد انه في احد غيري بحياتة بس هو بارد من حيث المشاعر والكلام الحلو لي يهتم بعيالة كثييير يموووت فيهم يعني اتوقع لو انه يقدر يعيش من غيري بس ما يقدر من غيرهم يلعب معهم يضحكهم مو مثلي يسكت لما يكون جمبي مرة اتكلمت معاه وقال لي انا ما راح اتغيير ولا تحاولي تغييريني يعني احيانا احس صراحته وقاحة يقط الكلمه بدوون ما يفكر ماعنده ذوق بالكلام يجرح ولا يهمة ما بيحس فيني اذا كنت زعلانة او مضايقة ...

حياكِ الله ..

ياقلبي بالاول عسى الله يصبركِ ويغير حالكم للاحسن والاجمل ويبعد عنكم كل سوء .

والثانيه مافيه شي اسمه كرامه بين الزوجين ..؟

هذا حاجز انبنى بينكم . يمكن يروح بعيد عشان ازعاج العيال . يمكن مشكله عند اهله . يمكن مشكله بدوامه . ممكن انتي كلامك معاه صاير حاد وبس طلبات .. اشياء كثيره ممكن تودي لوضعكم هذا ..!

بدايه استعيني بالله وقاومي الملل اللي فيك .
واهتمي ببيتك ، واهتمي بالعيال ، واهم شي اهتمي بنفسك وفيه .


ابدي سوي اجواء هاديه لزوجك بعيد عن كل شي . عن طلبات البيت وطلبات العيال واهلك واهله وكل شي ممكن ينكد عليه . روحي سوي القهوه والشاي وخذي التفاريح معاك .

واجلسي معاه . شيلي من بالك انا كرامتي وتنازلت وجيته وهالكلام . لاتشوفين بعيونك الا انسان تحبينه .

بتكون بالبدايه ردت فعله باااااااارده .. ماعليك قاومي اذا تبين بيتك يكون سعيد ان شاء الله .
صدقيني بعدين هو بيتجاوب معاك بالراحه وبالعكس بيشتاق يرجع لك اذا خرج .

ياقلبي خذيها مني انسي كل شي صار وابدي صفحه
جديده وكانكم تو متزوجين . وخليها عادتك مع زوجك .

من ناحية الملل اتعرفي على جاراتك روحي لهم بس يكون بوقت دوامه . لا تخرجين من البيت وهو باقي فيه حتى لو نايم .

وبالاخير .. رددي لاحول ولاقوة الابالله .. والدعاء

.. اعذريني على الاطاله ..

والله يهنيكم ويسعدكم ويبعد عنكم كل سوء .

لكِ ودي ..