منتديات مسك الغلا

منتديات مسك الغلا (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   زوجتي ودورتها الشهريه (https://www.al2la.com/vb/t100897.html)

مشكلتي 10-06-19 12:02 AM

زوجتي ودورتها الشهريه
 
السلام عليكم .
انا متزوج قريب أحبها وأعشقها وكل شي تمام بس لاحظت بزوجتي بعض التصرفات ماعرف هو دلع ولا شي طبيعي ولا ايش لان كل بعد فتره طالعة لي بشي . المهم .
الدورة تتعبها مره مره ماعاد تقدر تسوي اي شي بس سادحة خصوصا اول يوم الشهر اللي فات اهلي عازمينا قالت انااااا ماأقدر اروح تعبانه قسم مافيني نفسيتي بخشمي وحالتي حاله انتَ روح وأنا بفهم أمك وأتصلت على أمي وأمي عاد طيبه ماقالت شي بس بعدين قالت زوجتك مدلعه حبتين ... الشهر ذا اخوياي بيطلعوا مخيم يبعد عن البيت 70 كيلووو واخوياي مع عوائلهم على أساس بنروح قالت وربي مافيني تعبانه جتها امس انت اقعد مب لازم تروح انا مافيني اسوي اي شي والبر مافي حمام وحاله قلت طيب قالت اقعد لاتروح وجلست ماعاد رحت قعدت أخدم فيها 🙂😅، مرا مويا حارة مره مدري ايش وطبخت عشاء .. كله ترتاح . كل شهر تطلع لي بحاجه تشوفون تصرفي صح ولا غلط .. أمي تقول كلنا تجينا الدورة مانسوي مثل سوااااااة حرمتك . احس تفشلت عند أهلي ماغير عصبيتها وتكلمني بجفاء وتسال تحبني انت ماعاد تحبني زي أول يعني ع اللي كتبته لكم فوق مااحبها مستحيل . كل شي تمام ماعاد وقت دورتها . ولا عاد تشتغل ولا تطبخ ولاتسوي اي شي تخيلو 3 ايام الأكل من برى ولا اروح لأهلي حتى هيا ماتاكل بس على السرير تتروش وتجي تنسدح وتناااام ..💔 بعدين تصير طبيعه عكس ذي 180 درجة
مادري هل ذا الشي طبيعي ولا لا .... ودورتها ذي طبيعيه ولا لا ...

M.ahmad 10-06-19 01:50 AM

اذا كانت تستخدم حبوب منع الحمل خلها تتخلى عنها وراح تزين نفسيتها اثناء الدوره

صحيح ما أفهم في مثل هذي الأمور ولكن اسمع الناس يقولون كذا

إحسآس 10-06-19 02:52 AM

وعليكم السلام ورحمة الله ..

حيا الله اخوي ..

هي تتعب صح بس مو لهالدرجة المبالغ فيها جداا ..

عموما الناس يختلفون .. فـ احسن لك واسلم لك
خذها لدكتوره نسائية
باي مستشفى خاص عشان تقدر تدخل معاها الكشف
شوف وش تقول الدكتوره لها ..


لك ودي ..

شاهستا 10-06-19 03:13 AM

وعليكم السلام
شووف بَ اكون معك بمصداقيه ترى اوجاعها
تختلف من بنت لبنت فيه البعض تجيهم خفيفه
ولا كأن شي صار وفيه لا والله تجي وجعها
شديد لدرجه تكون منسدحه ماتقدر تتحرك
والله اقول كلامي هذا وما ابالغ فيه ، لاني
عايشت وشفت حالات ..
بس للمعلوميه مو شرط كل شهر
تجي بنفس الوجع مره تكون خفيف
ومره تكون شديده على حسب ..
لكن بس اليوم الاول تكون قويه لكن
بقيه الايام عادي مو مثل كلامك تقعد بثلاث ايام
ماتتحرك لا بالعكس تقدر تقوم بواجباتها على افضل
مايكون ، لكن زوجتك لها امرين:
*/ اما ان تكون شخصيتها انطوائيه وتتهرب عن الجمعات بسالفه الدروة .
*/ او انها فععلاً توجعها صح وتعكر مزاجه ومالها خلق احد وفي هذي انا معها ومعذوره.
لكن نصيحه مني انت جرب واعزمها
بيوم ماتكون عليها دورة وشوف
هل تتهرب او لا وهنا تحكم ..


والله يهدي سريرتكم ويخليكم لبعض ..

سحاابة عطر 10-06-19 03:49 AM

وعليكم السسلام

لا زوجتك ما تدلع حرام عليك تعبانه جد
اعرف نااس قريبين مني حييل نفسها يتعبون ويروحون المستشفى بعد
هذا انت قلتها الا ايام العاديه تمام. يعني مو دلع
بعدين ترا كلها ثلاث أيام مو سنه كاامله ارحم. المسكينه

الحر الأشقر 10-06-19 06:00 AM

.






تتغير الحرمة بوقت الدورة ووقت الوحام
اصبر وتحمل


الساعة الآن 03:09 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا