((البارحة يالمسك نومي تقاطيع))
 

البارحة يالمسك نومي ...... تقاطيع
عافت لذيذ النوم يالمسك ... عيني
اسباب من حرك علي ..... المواجيع
اللي فقدته بينكم ......... والعويني
اللي غدن به الليالي ...... . مساريع
وانا غدت بي غربة ........ تعتريني
يوم اتذكر شعرنا .......... والمرابيع
اللي كتبناها بقاف ............ رزيني
في ظلكم يا مسكنا نركب .... الريع
ونكتب قوافينا بصدق .... ويقيني
الضاوي هو والقاف هز ... المجاميع
جمهوره اللي يفقده ..... والحزيني
حاولت اصبر قلبي والقلب ما يطيع
يفقد صديق بالوفاء ...... ما يهيني
ما هو من اللي عشرته .... للجرابيع
صيد الرخا باللازمة ...... ما يعيني
لا والله الا لي سريع ....... المنافيع
أما نجي له وان طلبته ..... يجيني
يا ونتي ونة خلوج ........ المراضيع
تفقد ولدها بالعرب ...... والقطيني
شدوا بها ربع عليها ........ مقاطيع
عربان ولا ترحم حنين ... الجنيني
يالله يا رزاق ناس .......... مجاويع
يا منزل ن مي المطر ..... بالبطيني
تبعث لنا اللي شوفته ما بها .... بيع
نشري قباله لو تشين ...... السنيني
الضاوي اللي من عزيز ... المشافيع
شفاعته عندي من فروض ... ديني

القارظ العنزي

كلمات نايس روعة قمة الابداع
تقبل مروري وتحياتي وسلامي

الله الله
على عذوبة الشجن
حروف تهز الوجدان
الشاعر القدير

â‌¤â‌¤القارظ العنزيâ‌¤â‌¤

صح لسانك مليون ولا يكفون

الظاهر غياب الضاوي سطا بقلبك يغالي

ربنا يجمعكم على خير انت والضاوي
وتعود المجاراة والمشاكسات اللطيفه كما كانت سابقا

تقبل مروري

موسى سلام عمران
نايس مروركم نايس

صح بدنك يالغالي
اعد النجوم وانت
اهل الطيبة والغنيمة