. <{ ياللي تحذف الحصى }>
 

. <{ ياللي تحذف الحصى }>
قال السبيعي حمد لا هاض القصيد
مثل متلاطم الأمواج يعرف يردفه
هيه ياللي تحذف الحصى من بعيد
تراني اجمع حصاك و عليك احذفه
تمالك نفسك لا يهزك عذب النشيد
حب الهوى سيل يجرفك ما تجرفه
قد قيل ما يفل الحديد إلا الحديد
كانك جاهل مثلي مثلك حنا نعرفه
لسانك حصانك كنت ممتاز او بليد
قاذف الناس لبد يلقى له من يقذفه
من عيونك نكشف العنوان و البريد
ونعرف دمع تخبيه وخايف لاتذرفه
اطلب السماح واحذر بعدها لا تكيد
ندوس الكايد و نعرف كيف نصرفه
اخفيت عن الملأ شيء يهد الرصيد
احفظ رصيد الغلا يشرفك وتشرفه
من فضل ربي عطانا البأس الشديد
صغيرنا قبل كبيرنا مايخطي هدفه
وصل الله على النبي اعداد ما تبيد
ومعه الملائكة وأمر كل منه يعرفه
الشاعر/ حمد بن فهد المخالده السبيعي

صح الله لسانك يالسبيعي

سلم بوحك واحساسك

تحيتي واحترامي

صح بدنك مدد بلا عدد يحفظك ربي في الحل والترحال وفي كل مكان وزمان اتمنى لك السعادة ما حييت اللهم آمين
اخوك/ حمدفهد

تسلم لنا الأيادي البيضاء والقلوب الصافية على مدى الدهر يحفظك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين
اخوك/ حمدفهد

صح لسانك يا راقي ابدعت