|
خطوتين .. على لسانها .. جاءت القصيده كنبوؤة تُفضي إليه عنه يا عنها !! قالت: كل ما قلت الظروف إلّا تزين قالت الدنيا الحقيقه موجعه شوفني يا وقت من حزّتْك لين معمع الفوضاء وانا في معمعه لو تميل القاع ما مال الرّزين غير مال اللي ظروفه تردعه قلت انا ماني من المستهترين قالت ادري/ قلت حسّك م اسمعه ليت ودروبي دروب الياسمين كان مرّيت الشتات .. آجمّعه وازرع لعينك عيوني زهرتين ما سقاها إلّا القراح بمدمعه غير انا دربي ضياع الغافلين ليت لو انّي قدرت آسنّعه حدّني ليلٍ هدب عينه حزين خاب ظنّه والمبادي تخدعه فيني من الشوق شوق الراحلين غير شوقي قال ما فيني سعه كل ما قلنا حبايبنا تلين مزّقت ريح الظروف الاشرعه يا حبايبنا ولو نبض اليقين مرّه من الشك .. شك يروّعه لا تغلّوا للقاء كف ويدين ولا تقضّوا للمولّع مضجعه هاتني لك يا حبيبي جملتين عاشقٍ تاه .. وحبيبٍ رجّعه طالبك بعض الدجى للحالمين وانت بإيمانك أزلت الأقنعه لو رحل عنّك عتيم المرهفين لا تصد .. ارجوك تكفى تسمعه مقفيٍ بينه وبينك خطوتين يلعن الله كل خطوه تمنعه والله انها لو تمرنّ السنين دوني ودنك حبيبي مسرعه لا انتظر ظلّك ولو ظلّك وهين وانتظر دهر وثلاثه واربعه لا تصك الباب في وجه الحنين وكان جاك"ارجوك" قم وقف معه إي والله .. ( معه ) إلى هنا .. عتيم . |
الشاعر الكبير عتيم دايمن محترف في اختيارك للقافية قصيدة جداً جميلة ورائعه بورك فيك وفي قلمك العذب يختم ل 3 ايام + خمس نجمات + تقييمي لانك تستحق بجدارة |
* اعد النجوم اقسم أنّك ازهرت بشفاه القصيده واهديتها الإبتسام .. والرضا واسقيت الهشيم ببقاعها مطراً .. حتى إخضرّت يا ماطر الحضور امّا انا .. وخالقي .. اسعدتني وألهمتني وانّي .. ممتن ممتن وجداً أيا انيق .. يا أنت * |
الله ي الممتع الله ي المتفرد الله ي العذب والله ان الشعر في حرفك يزين ممتعه هذي القصيده ممتعه صح الله لسانك واحساسك ي مبدع ارويتني من بعد ما عطشت الشعر شكراً لك واهلاً بعوتك ي نقي . |
دام قلمك بهذا العطاء واكثر يا صديقي صح لسانك |
* صاحبي الشاعر ( وله ) عن كل عين والـصــدور الـلـــي ( تحب ) مشـرّعه كـيف أوصـلّــك شـعــور الـــمـغـرمين شـــاعرٍ مــجنـــون وشـلــون اقنـعـه فيــك اشــوف انّ القـصيده حـاجتين يا عظيـمه حيييل يا انـهــا مــبــدعــه * اقسم .. ان مرورك مرور .. اعادني للجنون المبهر الجنون الذي يُهدي الجمال وما بين هذا وذاك ... بيتٌ من القصيد اعادني إلى الشاعر الشاعر .. بداخلي ممتن ... واكثر وخالقي * |
| الساعة الآن 12:53 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا