نظرة و صمت ~> حصرية * مدخل~ من قطع مسباح فكري وأنا أعد خرزه من حضر في بال صمتي وانا ادور حكي! من خذا للبعد خنجر وبالصدْر غرزه منهو اللي يحْسب انه اليا اقفى بشتكي! * لو الحمل اللي أشيله أستطيعه ..! ما شفتني كل ما أمشي تنهدت يا قلب طعنات محبوبك فضيعه .. ليتك من أول جرح جالك تعلمت حبه بضاعة يشتريه و يبيعه ... وأنا أعرفه كاذب ولكن ما تكلمت كانت الفرقا من قيوده سريعه وأنا على فرقاه لا ما تندمت .. تكفى يا قلبي طالبك لا تطيعه يغنيك عن ردّك نظرة و صمت ما دمت شايل حملٍ ما أستطيعه وش عاد تفرق لا من تنهدت ! مخرج~ منهو اللي عشّم القلب حب .. وفززه يحسب انه لا تركني على غفلة ذكي بقلعه من تربة الروح غصن .. وبركزه رمح نسيان ورميته وانا اصلاً مرتكي! |
صح اللسانك يالششاعر ، قصيدة جممييله و تحمل معاني كثيره ، اغلبها ، طعن ، فرقا ، رائع ، والله يعين اصحابها ، لاهنت يالشيخ ، ودي |
احترت اقول لك صح لسانك على المدخل او نص القصيده او المخرج لانها كلها في غايه المتانه قصيدتك صمت وصمتنا في حرمتها جمال يختم ل3ايام وخمس نجوم وتقييمي |
وبين الطّعنة ، والتّنهيدة ، والصّمت كان الطّريقُ شاعر ، والشّعر.. شعر والمدخل يفضي إلى مفردة لا نودُّ الخروج منها لا جديد سوى الإبداع والتألق والحرف الشّجي المميّز |
صح الله لسانك انا فداهم شاعر جميل ومبدع حترامي وتقديري |
الساعة الآن 08:18 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا