|
قصيدة مات شاعرها ~| حصرية |~ لا ضاق وقتي علي و ضاقت سنيني سجدت للي مقاديري ... مسخرها ! يا رب يا معبود فيني اللي مكفيني وإنت الوحيد اللي كسراتي تجبرها ليت الجروح ؛— تموت و تندفن فيني أبرك من اللي ... تجيه " وما يقدرها " ما عدت أعرف أصحابي من عدويني ساعة تطيح الأقنعة ينكشف ساترها يا كم زرعت طيوفهم في بساتيني وأظل أراقب الغيمه لا حل ماطرها يا خطوتي على أي درب وديني أبي أشوف طعونهم وشهي آخرها كني غريقٍ و صوت الفرقا يدعيني في ليلة اختفى فيها حتى قمرها والصاحب اللي ما توقعته يُجافيني هو نفسه اللي طعناته لي ذاخرها لا واحسايف ناس رفعتهم بعيني اليوم صاروا بوجهي ترفع مناخرها وين الصدر اللي ليا ضقت يحويني غديت كني قصيدة مات شاعرها |
،' الخوي الي ما يوقف معاي وقت حزنِي امحِي و امسحـه من حياتي بكبرها ، يباها على وزنكك و لا هههه محِـاوله فاشله ه ، مِات شاعرها ، صصح لسسسانكك ي افداهم ابياتكك في محلها من الواققع الي نعيشه ه و انششهد على بيت بيت كتبـه ه ف انتظظظـار يديدك لا تحرمنـا |
أبرك من اللي ... تجيه " وما يقدرها " —- جميل هذا الشطر. وصح لسانك. |
غديت كني قصيدة مات شاعرها هذا الشّطر لوحده حكاية تختزل الكثير من التّفاصيل تخيّل شعور القصيدة ؟ في كل التفاتة شعريّة لك تبهرنا |
صح لسانك وسلمت يداك الوضاءة وقلبك الطاهر أخي الغالي يحفظك ربي صدق المعاني تنبئ عن معدن صاحبها فلك منا جزيل الشكر والامتنان يسعدك ربي أخوك/ حمدفهد |
جميل جدا نبض قلمك صح لسانك واعتلا شانك الله يعافيك |
| الساعة الآن 04:38 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا