|
الغش بالاختبارات السلام عليكم ورحمة الله وبركاته اسعد الله جميع اوقاتكم بالمسرّات بدون مقدمات بدخل بالموضوع : كنت استمع لاحد الاذاعات وطرحوا خبر مفاده : اصدرت وزارة التربية والتعليم قرار بكتابة كلمة ( غشّاش ) على ورقة الطالب اللي يثبت انه كان يغش بالاختبار والسؤال: مارائيكم في هذا القرار مع ذكر الاسباب سواء كنت مع او ضد؟ تحياتي للجميع |
انا مره كنت مبرشم في ورقه صغيره ودخلت الفصل وزعوا الاوراق وفيه سؤال احترت فيه يادوب حطيت يدي في الجيب بطلع البرشام كشفني وكيل المدرسه اخذ البرشام ...واعطاني نظره بعدها حلفت ماابرشم اما انا مع او ضد ....فأنا ضد الستر حلو سؤال جميل ...احمد اتمني التوفيق للجميع دمت في حب وسعاده . |
قرار فاشل صراحة التشهير بكل شي الا الطالب وش هالنفسية الخايسة اللي بعد ما تكتب على ورقته غشاش تتوقع بيكمل دراسة اسالكم بالله من منا ماغش انا ياما غشيت الوزير بنفسه غش الوكيل المدير حتى فراش المدرسة غش هههه يعني ما لقيتوا الا هالجيل الجديد اللي يالله ندفدف فيه ونحطمه ونكتب غشاش بدال ما نوجه وننصحه ونعلمه بطريقه ادبيه مهذبه |
اقتباس:
نورتني واشكرك على تفاعلك واشكرك على مرورك الجميل ربي يسعدك |
اقتباس:
كلامك واقعي واشكرك على اضافتك الجميلة واشكرك على مرورك الراقي ربي يعافيك |
اقتباس:
وعليكم السلام ورحمة الله وبركاته آمين واوقاتك يارب العالمين قرار جميل معه بالطبع 1- الطالب لازم يتعلم يعتمد ع نفسه 2- الغش عمره ماكان وسيلة نجاح اذا مانجحت باجتهادك لاتحط راسك مع روس المجتهدين لاتطلب النجاح وتسعى له وانت مو قده 3- وش يضمنك ان اللي غشيت منه حله صحيح اساساً كيف تثق في حل غيرك 4 - الغش يساعد ع الاتكاليه خاصه لو صابت معك وطلع حله صحيح وش لزمته مداوم ومضيع وقتك في الدراسه ومتعب اهلك وصارفين عليك اذا انت بتسحبها جاهزه 5- وش الفايده من الدراسه كل ابوها اذا انت مهمل وجاي تسرق حل غيرك مستحيل تتعلم اذا انت هدفك الغش انسب قرار تتخذه الوزاره لتقلل من الاعداد المستهتره في العلم والتعلم نريد جيل غير مهزوزه ثقته وواثق من اجابته جيل مشبع بالمصداقيه ليه نبني فينا خلل باستهتارنا واحنى قادرين نكون متعلمين ماحنى اغبياء كل انسان عنده عقل واستطاعه والمواد متلائمه مع سننا بمجرد طرح القرار هذا بحد ذاته انذار ان كنت تريد التشهير ففعل ماتريد انت الخسران وانت المعرض للتشهير فاذا تبي تحمي نفسك لاتغش مره مرتين والامور طيبه وكل انسان راح يحاسب ع نظره ويتعلم ويستفيد لنفسه وذاته لان ماعاد فيه حل جاهز وبرشام احنى لو السارق تنقص يده كان اللحين امورنا زينه مهوب قدهم ع عدد شعر روسنا هذا القرار راح يغير التعليم وينقله نقله نوعيه مختلفه لانه بيقلص من الناس الاتكاليه اللي تنام ليلها كله وتسهر تلعب وتداوم تاخذ الاجابه من الفئه المجتهده لو الطالب نجح كل حياته واغلبها بالغش كيف بيعلم الجيل القادم كيف بيتمكن من شرح الماده وهو اعتاد ع سلب المعلومه !! بالدف والتجاوز عن الماده ولا يقلبها للطالب حفظ دون فهم لانه غير جدير بتوصيلها لهم تقبل ردي وعبق وردي مع خالص احترامي لسموك آسيرة حرف |
| الساعة الآن 06:50 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا