((من غاب الضاوي غبت يالمسك عنا))
 

من غاب الضاوي غبت يالمسك عنا
وغاب المشاكس ملهمي . بالقوافي
والا تراك انت المعزب ......... وحنا
عندك ضيوف معززة .... يالسنافي
لكن احساسي عقبهم ....... ما تهنا
وحرف القوافي عقبهم صار طافي
وشلون الخافق عقبهم ..... يرجهنا
لا والله الا طحت ما من ... عوافي
عزاه يا قلب يون ............. ويحنا
عجزت تخفف من بلاه .... الفيافي
خطر عليه من المفارق ........ يجنا
والا يغيب ويختفي ..... ما يشافي
والا يمسه من الشياطين ....... جنا
يقعد وحيد وتسفي فيه . السوافي
الله يجمل صبرنا ............ والمعنا
ويعيننا يالمسك وعز ...... الملافي
لك بصمة يا مسكنا في ....... وطنا
رايتك بيضا وغيركم به .... تجافي
يا مسكنا لا تواخذ اللي .... استجنا
فقد صديق طيب القلب ..... وافي

القارظ العنزي

مرحبا بك مليون شاعرنا العذب

وينك اختفيت


والله ومالك علي يمين انك وحشتنا وحشنا قصيدك الرائع


صح لسانك

والله يعين اخونا الضاوي ويرجع سالم غانم



يختم ل 3 ايام

واتمنى انك ماعاد تقطعنا يالقارظ

صح لسانك ياغالي
سلامه الغيبه
والله يفرجها على الضاوي

وبك رحب الله يالعزيز الغالي
اعد النجوم وانتم كذلك يا أهل
المسك والمسك نفسه لكم وحشة
وان شاء الله ما نغيب الا للشديد
القوي لاهنت يالحبيب على طيب
المنطق وجمال التعقيب احترامي

سلامة عمرك مساحة
قلم واللهم امين على
عودة الضاوي سالم غانم
لاهنت يالحبيب

ماشاء الله صحيح من طوّل الغيبات جاب الغنايم
وانت طولت علينا لكن جبت لنا احى غنيمة
قصيدة جميلة ورائعة , كيف لا وهي باسم الضاوي؟
الله يرده لنا سالم غانم معافى
اشكرك على هذه الروعة وصح لسانك

ربي يعافيك