|
مشكله مشكلتي غريبه نوعا ما تقدمت لخطبة بنت عن طريق وسيطه البنت اصغر مني باربع سنوات وتعليمها متوسط والبنت اخلاق انا من ذوي الاعاقه معاق حركيا بس اقدر امارس الحياه الزوجيه اللهم ماقدر امشي كتبت وضعي كامل للوسيطه مع ارفاق صوره البنت عطتني موافقه مبدايا ارسلت رقم امها كلمتها امي قالت امها بتكمل دراستها والله يشفيه حسستني طايح من عينها وقالت الوسيط مانعرفها المهم الوسيطه كلمت البنت قالت حيل الله اقوا انا مقتنعه لكن امي رافضه المشكله مو اول مره تصير معي ذي الحركه انا اعرف الزواج نصيب بس اشدخل الاهل ليش مايتركون للبنت راي ماني فاهم للامانه لدرجة خلاص تركت موضوع اني اتزوج لاني جد شي يقهر انا اجنبيه ونعم فيها بس مابغي الا بنت بلدي سعوديه تفهمني وافهما ليش انجبر اخذ من برا ذي مشكلتي اكثر الرفض يكون يااخوها او امها |
وكل الله بكل امورك ونصيبك بذن الله بتشوفه وان شاء الله نشوف لك موضوع هنا ثاني مره تبشرنا بزواجك الله يوفقك وييسر امورك ويسهلها |
يارجل لا تيأس من رحمة الله ترى "عبدالله بانعمه" تزوج فتاه سليمه وهو لا يتحرك منه إلا رموش عيونه ولسانه فقط لذلك خلي إيمانك بالله قوي ومادام رغبتك بالزواج ستتزوج . |
سبحان الله ماأخذ منك إلا ليعطيك فيرضيك فلاتيأس كن على يقين بأن الله له حكمه في ذلك وأن نصيبك مكتوب وأن الله عنده خير كثير .. فالصبر الصبر وأكثر من الحوقله ( لاحول ولاقوة الا بالله ) والاستغفار وكثرة الصلاة على النبي محمد صلى الله عليه وسلم وعليك بالصدقة ولو بالقليل وسترى بأم عينك العجب العجاب ربي يسخرلك عباده الصالحين ويرزقك الزوجة الصالحة وييسر أمورك ويسعدك في الدارين إنه جواد كريم كن بخير |
لا تيأس واللي مكتوب لك بيصير كثير رجال بكامل صحتهم يخطبون أكثر من مره مره مرتين ثلاث ومردك بتلاقي بنت الحلال اللي تستاهلك وتستاهلها الله يوفقك ويسعدك وتلاقي بنت الحلال اللي تسعدك |
شرعاً ونظاماً لا يحق لأهل أي فتاة عضلها عن الزواج إلا بمسوغ شرعي أو نظامي، وإلا كان للفتاة التقدم بدعوى لمحكمة الأحوال الشخصية تتظلم من عضل أهلها لها عن الزواج، وعندها تصبح المحكمة هي ولي الفتاة في أمر الزواج، فالزواج رغبة وحرية شخصية كفلها الشرع والنظام ولا يحق للأهل التدخل ومنع بناتهم بحجة النسب أو العرق أو المال أو أي أمر آخر إلا إذا كان هناك سبب ديني أو أخلاقي في المتقدم للزواج يمنع ذلك فعندها لهم الحق في رفض المتقدم. وفقك الله أخي الكريم، لا تقنط من رحمة الله، لعلها خيرة لك ولها، وأسأل الله لك التوفيق والسداد في الدنيا والآخرة ،،، |
| الساعة الآن 03:46 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا