دايماً أشطح بتفكيري وأروح لما بعد عشرات السنين


المهم دحين على قرار تعليق الدراسة في عدة دول
تخيلت لو تكون هذي نقلة نوعية في التعليم
ويصير الكل يتعلم عن بعد
ويتسوق عن بعد
ويسوي كل شيء عن بعد


لو مرت عشرين سنه وهم كذا يجو أحفادنا يقولوا والله كانوا أجدادنا يعانوا
تخيلوا انهم كانوا يصحوا كل صباح ويروحوا الدوام أو المدرسة برا البيت !!
ويضطروا يسوقوا سياراتهم ويتمشوروا عشان يجيبوا احتياجاتهم
كانوا شقيانين منجد !


واحنا نقلهم والله الكسل ذبحكم
كنا زمان نصحى بدري عشان ندرس ونتعلم
ونداوم برا بيوتنا ونشوف الشمس كل يوم
مو انتم كل واحد مكبر مخدته وقاعد :85:

صباح النور ..
11 مارس 2020
16 رجب 1441




اليوم ما مداني أكتب حرف يالطيف :مبحلق:
صحيت وفي بالي آلاف الشغلات
من كثرها مو فاكره اش سويت أول واش ثاني !

الزبدة
فتحنا دروس قناة عين نتابع الحصص :MonTaseR_62: أكثر المقطع نمشي نمشي بالذات حصة أستاذ لغتي مره ممل أسلوبه ، جاني النوم وأنا مالي دخل
تابعنا يمكن 4 حصص بعدها قلت شكلي أنا بشرح أحسن
عالأقل عندي أسلوب يدخل المعلومات ووسائل وألعاب


وجيت بجهز الشنط عشان نسافر ما قدرت أنجز صراحة
مررره النونو ما يساعد بس يبكي :مبحلق:
عندي مهلة لحد الظهر بكرة لازم أخلصها
بس عالأقل جبت شغاله خلصتلي البيت
ضحكتني انها جات لابسه كمامة هههههههههه
قلت دحين أنا أخاف منك والا انتي تخافي مني :MonTaseR_151:
قالت انها سمعت ان فيه بيوت عندنا فيها كورونا
قلتلها ارتاحي ما فيه شيء ولا سمعنا
لما تطمنت شالت كمامتها
قلتلها بكرة اذا رحتي بيت ناس غيري البسي كمامتك وقفازاتك مالي صلاح انا لو طلع فيهم مرض أو شيء



أحس الناس مهولين الموضوع مره
والا ذاك اللي طالع يقول كل سنة 20 فيها وباء
عام 1920 و 1820 و 1720 ودحين 2020
شيء عجيب سبحان الله
أنا الوحيده يمكن اللي ما اشتريت كمامات ولا معقمات ولا أفكر :DsC00581:
شغاله بس عاليانسون والبرتقال للأطفال لأنه أساساً دحين تغير فصول بين الشتاء والربيع عادةً فيه أمراض


سمعت قصة وباء المدينة في عهد الرسول ﷺ اليوم وكيف انتهى بحجة الوداع
لما أمر الرسول ﷺ الصحابة بالاضطباع والهروله في المسعى لحكمته العظيمة
قصة جميلة أنصحكم بقراءتها ..

..







الشخص اللي يغسل الصابونه
قبل ما يغسل فيها
صعب تخليه يوثق فيك





^
هذا أنا :MonTaseR_25:
هي صابونه صح لكن يمكن اللي قبلي ترك فيها وسخ
فلازم أغسلها هههههههههههههه

https://j.top4top.io/p_1530e5ge80.jpeg


الخريجين ذي السنه اذا سألوهم أي سنة تخرجت
يقول سنة الكورونا

حتى المواليد
مواليد سنة الكورونا فديت دلبهم

لما أكلم وحده وأسأل عنها وتطنش ما ترد
خييير ؟
تحسبيني ميته عندك ؟
يا كثر البشر غيرك ترا
ماله داعي خصوصاً اذا كنا بيوم من الأيام صاحبات



بلوك بنكهة المنتدى
اذا أحد طنشني مره أطنشه أبد الدهر :MonTaseR_112:


مين انتي أصلاً ما أعرفك وأول مره أشوف اسمك
< نكران من دحين :MonTaseR_146: