{داري على روح روحك فديتك}
قالت أذكرني في عالم النسيان
قلت كيف اذكرك وأنا مانسيتك

قالت اعرف ما جرى ياكحيلان
لو اشرت لي بالرمش أنا جيتك

قلت القلب مازال فاتح البيبان
قالت لو تأمر قلبي ما عصيتك

قلت يسلم قلبك لعاشق ولهان
قالت أموت لو ثانية ماطريتك

قلت لحظة لاتهيضِي الأشجان
داري على روح روحك فديتك

قالت اريدك حبيب يأعز خلان
خذ قلبي ومالي هدية عطيتك

قلت على مهلك مانيب طمعان
قالت آه القلب دلني علي بيتك

قلت وش عرفك قالت العنوان
مكتوب على جبينك و حبيتك
الشاعر/ حمد بن فهد المخالده السبيعي
ملاحضة: هذا جزء من القصيدة وليست كاملة

صح بدنك مدد بلا عدد يحفظكم ربي
أخوك/حمدفهد

صح بدنك مدد بلا عدد يحفظكم ربي عزيز الشأن ويرفع من قدرك بين أهلك ومحبيك ومن تحبين دين ودنيا وآخرة.
أخوك/حمدفهد