منتديات مسك الغلا
 


موضوع مُغلق
 
LinkBack أدوات الموضوع انواع عرض الموضوع
قديم 03-10-20, 09:22 PM   #1
ابوالليل

الصورة الرمزية ابوالليل

آخر زيارة »  12-28-23 (11:34 PM)
الهوايه »  كتابة الشعر
MMS ~

 الأوسمة و جوائز

Icon N9 من قصائدي الغنائيه






السلام عليكم ورحمة الله وبركاته
مساكم الله بالخير اعضاء مسك الغلا

في بعض من الاعضاء سألوني
اذا عندي قصائد غنائيه

فالحقيقه انا كتبت الكثير من القصائد الغنائيه
لكن ماقد نشرتها ابدا في اي موقع على الانترنت
واليوم حبيت انشر بعض منها
تلبيه لطلبات الاعضاء
وحصريه لمنتديات مسك الغلا
ولي الشرف ان تكون اول ظهور لها هنا في هذا المنتدا

بترككم الان مع القصائد
اتمنا تنال اعجابكم

القصيده الأولى

ياحبيبي ياحبيبي انت عمري ياهوايا
ياحبيبي انت روحي انت افراحي وهنايا

ياحبيبي خفف بعادك جرحني
احاول اكتم حزني بس دمعي فضحني
وينك اشتاقيت انا لشوفة عيونك
وانت تدري ما ابي عمري بدونك

ياحبيبي: ما ابيك تروح عني
********** اهتني لو كنت جنبك
ياحبيبي: اسهر لعينك اغني
************ ياكثر ماقلت احبك
*********** اعشقك من صغر سني
*********** اجتمع قلبي وقلبك
الجوارح كلها تسأل يبونك
وانت تدري ما ابي عمري بدونك

بس كافي هجر انا ماقوى فراقك
ارجع وافرح بملقاك وعناقك
الجوارح كلها تسأل يبونك
وانت تدري ما ابي عمري بدونك

ياحبيبي :انت لي كل المنا
************ انت كل شي بحياتي
ياحبيبي :فدوه لك كلي انا
************ انت في الدنيا غناتي
الجوارح كلها تسأل يبونك
وانت تدري ما ابي عمري بدونك

ياحبيبي ياحبيبي انت عمري ياهوايا
ياحبيبي انت روحي انت افراحي وهنايا
شاعرك مشتاق بس شوفة عيونك
وانت تدري ما ابي عمري بدونك
ياحبيبي
******* ياحبيبي.


القصيده الثانيه

اغمض عيني واتخيل
طيوفك مقبله صوبي
واضمك وهمس بأذنك
احبك وانت محبوبي

انا ماريد غيرك حد
تعال اقرب ولاتبعد
احبك والبشر تشهد
عليك ان انت محبوبي

الا يا فهد لا جالك
قصيدي جر موالك
وابيك تحط في بالك
بأنه لجل محبوبي

احبك ايه ايه انتي
احبك مثل ماكنتي
وحتى لو تغيرتي
بظل ادعيك محبوبي

حلاة الحناء بكفوفه
يحير القلب بوصوفه
مثل بدر السما شوفه
بنص الشهر محبوبي

عليها حسن يسحرني
اليها دوم يسحبني
عشقته من صغير سني
ولابي غير محبوبي

امامك كالطفل ابقى
معك دايم اريد ابقى
ويكبر حبنا ويبقى
وتبقى انت محبوبي

سرا ليلي على مودك
احب العين وخدودك
احبك لآخر حدودك
احبك وانت محبوبي



القصيده الثالثه

شبابي راح توه مبتدي شيبي
وانا طيب اثرها طيبتي عيبي
انا ياكثر ماذقت المتاعيبي
كفايه يازمن يكفيك تعذيبي
محطم صرت يا احساس
جفوني كل هالناس
رموني في العنا وحدي وخلوني

وحتى الخل راح وصد ياهيبه
رحل عني وطول عني الغيبه
عقب كنت اسهر الليل وسريبه
هجر قلبي وخلاه بمتاعيبه
محطم صرت يا احساس
جفوني كل هالناس
عقب ماغليتهم بالرخص باعوني

خدعتي القلب يومك قلتي تغليني
وانا صدقتك وعطيتك يديني
وحبيتك وسكّنتك وسط عيني
وغنيتك وشلتك في تلاحيني
محطم صرت يا احساس
جفوني كل هالناس
ولا تخيلت تقضي العمر من دوني


ولا لك عذر لو باقول معذوره
*ولاكنتي على الهجران مجبوره
حرام اللي تسوي فيني يانوره
تروحين وتخلي الروح مأسوره
محطم صرت يا احساس
جفوني كل هالناس
نشف دمعي كثر مافاضت عيوني




القصيده الرابعه

احبك ايه احبك انت
احبك ليه مستغرب
وفي حبك انا ادمنت
يالغالي على هونك

سرا ليلي وزاورني
خيالك يابعد عيني
ملكني وصار آسرني
وغصبا صرت مجنونك

تعالي لي تعالي لي
غناوي حب غنيلي
واذا ماعندك احكيلي
عن السحر اللي بعيونك

احبك والغلا لك زاد
حطم كل ارقامي
وزينك حيّر اقلامي
وصار القلب مفتونك

الا يافهد جر الصوت
يطربني صدا صوتك
انا ذايب بصوتك حيل
وذبت بنبرة لحونك


وسلامة الجميع
الشاعر ابوالليل/ عبدالرحمن الشريف


 


قديم 03-10-20, 09:43 PM   #2
مساحة قلم

الصورة الرمزية مساحة قلم

آخر زيارة »  12-06-23 (12:46 AM)
MMS ~

 الأوسمة و جوائز

افتراضي



جميل اخي ومميز
اعرف شاعر في حارتنا يسمى محمد القاسمي
لديه نفس هذي القصائد الغنائيه
وحاليا هو يكتب قصائد لمختلف فناني العرب
وبرايي اتوقع ان قصائدك تنفع ايضا
هل تواصلت مع اي فنان



يختم ل3ايام
تقييمي
خمس نجوم


 


قديم 03-10-20, 09:54 PM   #3
ابوالليل

الصورة الرمزية ابوالليل

آخر زيارة »  12-28-23 (11:34 PM)
الهوايه »  كتابة الشعر
MMS ~

 الأوسمة و جوائز

افتراضي



المشاركة الأصلية كتبت بواسطة مساحة قلم مشاهدة المشاركة
جميل اخي ومميز
اعرف شاعر في حارتنا يسمى محمد القاسمي
لديه نفس هذي القصائد الغنائيه
وحاليا هو يكتب قصائد لمختلف فناني العرب
وبرايي اتوقع ان قصائدك تنفع ايضا
هل تواصلت مع اي فنان



يختم ل3ايام
تقييمي
خمس نجوم
اولا شكرا لك على التقييم والختم
واعجابك بقصائدي
وشكرا على هذا الدافع المعنوي
والتشجيع

ثانيا
انا ماكلمت احد من قبل من الفنانين
الا في مره من المرات
اتكلمت مع المنشد ابوحنظله
كان معي قصيده بعطيه عشان يشيلها
لكن طلب على الشيله خمسه الف ريال سعودي
اعتذرت منه
وبطلت ومن يومها للان ماعاد كلمت احد


 


قديم 03-10-20, 10:04 PM   #4
مساحة قلم

الصورة الرمزية مساحة قلم

آخر زيارة »  12-06-23 (12:46 AM)
MMS ~

 الأوسمة و جوائز

افتراضي



سيبك من ابو حنظله
تواصل مع فناني الخليج والعالم العربي
وانا على يقين مسبق بنجاحك


 


قديم 03-10-20, 10:21 PM   #5
ابوالليل

الصورة الرمزية ابوالليل

آخر زيارة »  12-28-23 (11:34 PM)
الهوايه »  كتابة الشعر
MMS ~

 الأوسمة و جوائز

افتراضي



المشاركة الأصلية كتبت بواسطة مساحة قلم مشاهدة المشاركة
سيبك من ابو حنظله
تواصل مع فناني الخليج والعالم العربي
وانا على يقين مسبق بنجاحك

ياليت لكن قلي اوصل لهم كيف
ان كان عندك علم ياخوي قلي
عندي قصايد يامساحه على الكيف
وكل يوم راسي بالقصايد يهلي


 


قديم 03-10-20, 10:24 PM   #6
احلام عابره

الصورة الرمزية احلام عابره
تاج النساء

آخر زيارة »  اليوم (05:12 AM)
افرد اوراقي واشوفك تسكن بيوت القصيد


:
MMS ~

 الأوسمة و جوائز

افتراضي



ياسلام
طرب طرب
ابو الليل شاعر الاغنيات الشجيه
سيبك من ابو حنظله هاذ
واعطيها لابو نوره
صح لسانك يغالي


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 03:22 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا