إضافة رد
 
LinkBack أدوات الموضوع انواع عرض الموضوع
قديم 03-11-20, 03:03 PM   #1
سلمان

الصورة الرمزية سلمان

 الأوسمة و جوائز

افتراضي ردي على قصيدة..؟



كتب لي الشاعر المبدع محمد البرقاوي
قصيدة جزلة في احد المواقع
هذا نصها
.
.
براسك شعر ونا براسي مواويل
تجمعت من كل صوب ونحيه

ماهوب لازم تجزل القاف وتطيل
لاهوب دايم هيل والنار حيه

الشعر من ضيقة هجوس وغرابيل
عليك تجميعه وانا وش عليه

علي اعده للرجال المشاكيل
واجعل حقوقه من حقوق الرعيه

اما نعديبه وراء الجدي وسهيل
ولا استرحنا من نفوس رضيه

البارحة ياراس راسي وياليل
زادت علينا المشكلة والخطيه

بين القصيم وبين هاك المداهيل
بانت نتايج ماتجيب الحميه

يالله بغيث يسقي الدار ويسيل
وادي الرشا وشعاب نجد العذيه

انشد وتلقى من هل السيف والخيل
اللي مشاعرهم توارد نديه

شربوا من صدوف الليلي فناجيل
وان كرموا شنت عليهم سريه

قلي عن اخر ماطرى لك من القيل
واعلمك حب الخوي لخويه

فينا من الماضي محبه وتبجيل
ولمجدنا بصدورنا مقدريه

انشد عن البيداء وجزل التماثيل
وحب الفياض المعشبه والمطيه

لا بكر الوسمي وجاء له هماليل
والربل والرقروق كبر النصيه

حياة احلى من حليب المباهيل
ترضي النفوس اللي من الله رضيه

صح لسانك
.
.
هذا ردي المتواضع على القصيدة الراقيه
ارجو ان تحوز على رضاكم
اقول فيها
.
.
محشوم وامقدر يوفالك الكيل
بس مالك ومال القلوب الشقيه

ياليت ماخصيتني بالتماثيل
واجب علينا لك نرد التحيه

ايقضت هم منه شفت الغرابيل
النجم غاب وجمرة الشوق حيه

اصبحت يالبرقاوي احط وشيل
للذكريات اللي جروحه نديه

هوكان يغليني وجوه العواذيل
انا الذي عرفتهم به هنيه

غروه في حلو الليل المقابيل
صرت انا ياخوي اول ضحيه

ابعدت انا وهوابتعد فتنة الجيل
اللي حصلي منه ماهوشويه

خل نقلب الموضوع ماعاد بي حيل
اليوم ماتلقى قلوب وفيه

ارجوك بشرني عسى نازل سيل
على القصيم وبالحفر والحويه

عسى الشغايا ارتوت والغراميل
بدت تجر الحونه الراعبيه
.
.
سلامتكم

قلمي



 


رد مع اقتباس
قديم 03-11-20, 03:27 PM   #2
القارظ العنزي

الصورة الرمزية القارظ العنزي

 الأوسمة و جوائز

افتراضي



صح السانكما جميعا
ما تجيبون الا الجزل
نعم الاخوة والوفاء
لا فرق بينكم حاسد
ولا حاقد يالغالين
سلمان والبرقاوي


 

رد مع اقتباس
قديم 03-11-20, 07:26 PM   #3
احلام عابره

الصورة الرمزية احلام عابره
تاج النساء

MMS ~

 الأوسمة و جوائز

افتراضي



براسك شعر
دائما يطربني الشعر الي من راسك
صح لسان الشاعر الجزل محمد البرقاوي
مفتقدينه والله عساه يكون بخير
وصح لسانك يا سلمان مليون
لك ودي واحترامي


 

رد مع اقتباس
قديم 03-11-20, 07:30 PM   #4
أعد النجوم

الصورة الرمزية أعد النجوم

 الأوسمة و جوائز

افتراضي



صح لسانك شاعر سلمان

وصح لسان صاحبك الشاعر



ابيات جميله من كلا الطرفين



يختم ل 3 ايام

+

تقيميي
+

خمس نجمات


 

رد مع اقتباس
قديم 03-11-20, 09:43 PM   #5
فتاة الوطن

الصورة الرمزية فتاة الوطن

المكان »  بين السماء والأرض
الهوايه »  التصوير - الطبخ - الشعر - الألعاب
MMS ~

 الأوسمة و جوائز

افتراضي



ما شاء الله

الشعر كان فقمه الفخامه.. كان شعر لا يطغى عليه

ابدعتوا صراحه كلام كثير
وللاسف انه قلت القلوب والناس الوفيه

الله يعافينا منهم ومن شرهم

تقبل مروري المتواضع


 
مواضيع : فتاة الوطن



رد مع اقتباس
قديم 03-12-20, 11:20 PM   #6
سلمان

الصورة الرمزية سلمان

 الأوسمة و جوائز

افتراضي



اقتباس:
المشاركة الأصلية كتبت بواسطة القارظ العنزي مشاهدة المشاركة
صح السانكما جميعا
ما تجيبون الا الجزل
نعم الاخوة والوفاء
لا فرق بينكم حاسد
ولا حاقد يالغالين
سلمان والبرقاوي
صح الله بدنك القارظ

تسلم والله ماعليك زود

شرفني مرورك الجزل

حترامي وتقديري


 

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 08:37 PM.

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64