حديقة ريتشموند ..لندن ..Richmond park
 

السلام عليكم ورحمة الله وبركاته ..
رجعت لكم مثل م وعدت قبل وبزيارتي اليوم لمكان مرا احبه وجميل وهدوء
يعني لناس الي تحب تصفي عقلها شوي وبعد ليش لا تكون وجهه لتجمع العوائل !
لأنو يلا مبالغه نادراً م تحصل ناس فيه شبه فاضيه عدا الصيف وانا وحده بالصيف مو كثير اطلع الحدائق لأنو سبحان الله ع جمالها بكل الفصول اكرها بالصيف بطبيعة الرفاهية الي تعودنا عليها في دولنا ولله الحمد وين م تروح تكييف هنا لا ي الظلال واذا اقحلت يفتح الله ..!
نرجع للموضوعنا < ي كثر م تتفرعين
اليوم بعد م انثبرت بالبيت خمس ايّام م تحملت قلت ابي أتنفس < حسبي الله ع بليس هالكورونا
المهم قررت اطلع واخذكم بجوله معاي أمتع أنظاركم وبعد تكون احد وجهاتكم عند زيارة لندن
طبعاً الحديقه اهي احد الحدائق الملكية في لندن وموقعها تقريباً جنوب غرب لندن
زمان كانت بس للعآئله الملكية والآن أصبحت لعامة الشعب ومنهم انا :MonTaseR_185:

تبي تروح لها عند جميع وسائل النقل .. سياره وهي الأسهل لناس الي مدلعه نفسها
والناس الي لازم تجرب وتغامر وتستمتع باللحظة وتمشي .. الترين والباص
يوصلك للمدخل واستخدم قوقل ماب وم يقصر معاك ..
اي صح السياره عندك جميع الخدمات الاوبر والا كابتن والبولت ونصيحه تكفون تكسي لا ياكلكم بالخسائر < ياوك منها تحسب الباوند. اي احسب ليش ادفع 60 او 70 وبالخدمات الثانيه م تجي 20
لا وبالباص ي الله من فضلك باوند ونص :y2o01875:

المهم اتركم مع الصور ثم بعدها يجي تعقيب < م من فمه






المدخل بأول الحديقه من الهاوية وهنا تختار القولف كلوب او الحديقه وكان اختياري لليوم














فيه اجمل من انك تشتغل ع هالمنظر .!!














الصور للامانه كثير لأنو انا عندي هوس التصوير بس قلت م بغثكم
ولو كنت اعرف كيف انزل فيديو كان نزلته عشان تستشعرون الجمال
م اعرف هل اقوله من حبي لها والا لطبيعه بس بجد لأنو غالب وجهتي أماكن لما اسال الي زاور لندن
جيتوها .! لا ليش لأنو شعب يقتصر الأماكن ع التسوق والأماكن الي نقدر نقول شو اوف شوي .!
طبعاً قد م اقدر بنزل مواضيع تحكي عن أماكن هنا وعادي جداً اشطح تتقبلون :MonTaseR_140:
وان شاء الله يعجبكم تقرير بسيط عن مكان جميل :قلب ازرق:

اعشق الطبيعة

ياانك فنانة ماشاء الله في التصوير



ياجمالك وجمال موضوعك




بالتوفيق يابعدي

لبى قلبك نورتي وحسك عينك تجين لندن وم تجينها مرا بتحبين
ويسعد لي قلبك وروحك ع المرور الطيب
دمتِ بود
:نبض:

من جمالها ما بغيت اطلع منها ..
تقرير جميل ،، كجمالك :27:

ما شاء الله تبارك الله اللون الاخضر صافي وجميل
التقاطات رائعه لقد حن القلب الى السفر الله يعدي
هالا الايام على خير


شكرا جزيلا غياهيب بدعتي

يسعد لي قلبك وكلك ..الجميل حضورك
دُمتِ بود
:قلب ازرق: