لأجل الفاتنة جاك الرد العجيب
 

انت ذبحتني بالغلا وانا سلاحي قصيد
الزين هو لعبتك والشعر هو لعبتي
خذيت قلبي وشرياني ونبض الوريد
ولعبت ياكامل الاوصاف في حسبتي
====================
. <{ لأجل الفاتنة جاك الرد العجيب }>
لا لا ما ذبحتك قل لي كيف اذبحك يا عنيد
راميك يخطيك قلب يفز لين فضت جعبتي

ياما خذيت قلبي عندك يالرامي اللي يصيد
واللعبة صارت هي لعبتك وما صارت لعبتي

لا لا تغني وتفضحنا ياسارق قلبي والرصيد
لا تكشف للملأ يالغلا غالي محبتك ومحبتي

خليك يا غناتي مثلي خفي العنوان والبريد
حافظ على قربتك واحذر تشق لي قربتي

بالحلال نحلها وما يفل الحديد إلا الحديد
يا بعد روحي تهنى بشربتك واهنى بشربتي

قلت لك مافي خاطري ياخاطر لاتروح بعيد
والمكتوب تراه بدبرة الله لادبرتك ولادبرتي
الشاعر/ حمد بن فهد المخالده السبيعي
حرر في: ١٤٤١/٠٥/١١ هجري. ٠١/٠٤/ ٢٠٢٠م

صح لسانك شاعر حمد

ابدعت وامتعت


يختم ل 3 ايام

+

تقييمي

+

خمس نجمات

حمد يا حمد شو خليت لنا من كلمااات .
بجد ابدعت سلم دياااتك.
ننتظر المزيد من اشعارك وخواطرك.
تقبل مروري:MonTaseR_222:

صح لسانك يابو فهد على هذه القصيده ألمعبره عن كل ماكان خافي وتسلم ياكامل ألذوق وألإحساس .

تسلم لنا الأيادي الوضاءة وقلبك الطاهر اخي الغالي يحفظكم ربي
اخوك/ حمدفهد