منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   يا محسنين لله ! (https://www.al2la.com/vb/t105894.html)

أنا فداهم 03-20-20 10:47 AM

يا محسنين لله !
 
،‘

*

يا محسنين لله
من يرمي بس لذكرياتي
لو فتات من الخبز نسيان !
أمد كفي للحزن ..
يمكن يحّن ويستحي
من جوع صوتي للفرح
تعبت أكون إنسان !
لو قالك مرة أحد
إنه صحيح يحس بك لا يخدعك
ماهو صحيح يحس!
ما حك جلد إحساسك إلا ..
ظفر قاسي صلب
لو جرّحك يبقى معك
ما يتركك
ما يعرف النسيان!
يا راحلين بالله
ما مركم عمري وأنا
أجمع من الذكرى ندم
كلي غديت أغصان!
ليت الندم مثل البكاء ..
يطيح مثل الدمع
أو قطر الندى
والله أنا نادم على
كل الدروب اللي مشت رجلي
على كل الخُطى
نادم على اللي كان !
ياللي نسيتيني معك
في معظمك
فعيونك اللي كانت لعمري زمن
في صوتك اللي لا لمس سمعي
وقف له قلب
كم قلت لك هاتي يدك
محتاج لك
ذابت عظامي لك دفا
وأنا أرتجف حرمان
حبيبتي كيف أكتبك؟
كيف أسمعك؟
وأنتي تركتيني كذا
في عالم النسيان !

القارظ العنزي 03-20-20 11:11 AM

مبدع ، حقيقة خفت من العنوان
قلت يمكن كرونا صارت حولك
وتحتاج يد تنتشلك من الخطر
ههههه طلعت تبي يد من نوع
اخر تنتشلك من النسيان ، يد
الحنان والتي كلنا نطلبها ولكن
لا حياة لمن تنادي دمت ودام
نبضك وصح السانك انا فداهم

أنا فداهم 03-20-20 11:24 AM

اقتباس:

المشاركة الأصلية كتبت بواسطة القارظ العنزي (المشاركة 2526755)
مبدع ، حقيقة خفت من العنوان
قلت يمكن كرونا صارت حولك
وتحتاج يد تنتشلك من الخطر
ههههه طلعت تبي يد من نوع
اخر تنتشلك من النسيان ، يد
الحنان والتي كلنا نطلبها ولكن
لا حياة لمن تنادي دمت ودام
نبضك وصح السانك انا فداهم

هذا اللي يسمونه إقتناص الفرص و التوقيت المناسب يا اخوي
لازم تحط عنوان ذكي يجذب القرّاء
واذا هي على الكورونا فالكل خايف و مندس في بيته
هههه
والله يا اخوي حتى المعقمات صار سعرها دبلات :crying:

الله يستر من الجاي

نرجع على الموضوع الأساسي ..
صح بدنك يالغالي :5:

فتاة الوطن 03-20-20 11:27 AM

(1)
"أمد كفي للحزن ..
يمكن يحّن ويستحي
من جوع صوتي للفرح
تعبت أكون إنسان !"

(2)
"إنه صحيح يحس بك لا يخدعك
ماهو صحيح يحس!
ما حك جلد إحساسك إلا ..
ظفر قاسي صلب"

(3)
"كم قلت لك هاتي يدك
محتاج لك
ذابت عظامي لك دفا
وأنا أرتجف حرمان"

الله الله بس .. ويش هالإبداع

" لو جيت أحكي لك "
وش عساني أقول
البحر عينك ..
والسما لمسه حنينك

نسيتني بالجو ...
لا مر علي طيفك
وأبتسمت مره على أثرك
.. وهنت
وهانت أيامي ...
وانا في قلبك مثل الطفل..
اللي ينادي كل ساعه .. وينك ؟!
وأنتي في بعد من البعد دام
يالله ما على البعد شره
شرهتي لا بعت نفسي
"في عالم النسيان"


تقبل مشاركتي البسيطة :m42:

أنا فداهم 03-20-20 11:43 AM

اقتباس:

المشاركة الأصلية كتبت بواسطة فتاة الوطن (المشاركة 2526769)
(1)
"أمد كفي للحزن ..
يمكن يحّن ويستحي
من جوع صوتي للفرح
تعبت أكون إنسان !"

(2)
"إنه صحيح يحس بك لا يخدعك
ماهو صحيح يحس!
ما حك جلد إحساسك إلا ..
ظفر قاسي صلب"

(3)
"كم قلت لك هاتي يدك
محتاج لك
ذابت عظامي لك دفا
وأنا أرتجف حرمان"

الله الله بس .. ويش هالإبداع

" لو جيت أحكي لك "
وش عساني أقول
البحر عينك ..
والسما لمسه حنينك

نسيتني بالجو ...
لا مر علي طيفك
وأبتسمت مره على أثرك
.. وهنت
وهانت أيامي ...
وانا في قلبك مثل الطفل..
اللي ينادي كل ساعه .. وينك ؟!
وأنتي في بعد من البعد دام
يالله ما على البعد شره
شرهتي لا بعت نفسي
"في عالم النسيان"


تقبل مشاركتي البسيطة :m42:

مشاركتك لم تكن بسيطة بتاتاً
أختي فتاة الوطن
مشاركة مثل هذه تنحني لها القامات
وتُعزف لأجلها المقامات
من النهاوند إلى السيكا
إلى الكورد ومنتهية بالبيات
جميلة كانت مداخلتك
ولكِ مني كل الشكر والتقدير

وهج 03-20-20 02:42 PM

عندما يكون للجمال
(عيون)


ستكون وجهة نظر



رائع


:81:


الساعة الآن 06:35 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا