منتديات مسك الغلا | al2la.com - يمّه فديتك دوِّري لي ذيبه فْهيئةْ غزال

ترى اختيارك يا فتى ما يدركه غير . الرجال
عليك باللي يفهمه منهم يعطيك ...... البينة
ولا تفكر بالجمال ما ينفعك زود ..... الجمال
حيث الاصيلة بينهن بجمالها ......... هوينة
لكنها اخت البطل زيزومهم وقت ..... النزال
يجي ولدها كالشبل .. الصعبة عنده .. هينة
فتخا يمين وتنتشي مع ضيفتك . ام العيال
ما هي بخيلة تنعفس ولعفستك ... متحينة
انشد شيبان قبلنا عن اللي قالوا نعم الخال
اخته وشلون اوصافها ما هي جميلة ، دينة
فيها الحيا يا مسندي فيها الانوثة والوصال
والباقي انت تكمله لو تنجبر ........... تدينه

مجاراة متواضعة الاخ المعتفس ارجو ان تتقبلها بقبول حسن
وصح السانك دوما اجدك متميز في كل حالاتك

لسا بالناس خير
والمجتمع فيه من كل صنف
انت توكل على الله وصفي النيه
وعلى نياتكم ترزقون
ربي يعطيك الي تجد فيها كل الصفات الي ذكرتها او معظمها
صح لسانك خيو مبدع كالعاده
قصيده رائعه
احترامي وتقديري

الله يرزقك،
لا تعلم أي دعوة تصعد للسماء، فيستجيب الله لها..

أجزم بس :MonTaseR_212:

صح لسانك

..يمّه فديتك دوِّري لي ذيبه فْهيئةْ غزال
.........تجْمع شتات اللي حياته من سنين مْطيّنه

طفله تشاكسني بْمرح بس تكره تْخوض فْجدال
......................فمْعاتبتها ليّنه والياتعَبْت حْنيِّنه

.......اتكون لي برد وْسلام وْفخر وضْماد وْظلال
............... وثوبٍ لِعيبي لاتعرّى للبشر ماتْبيِّنه

ماتعْبَس ان جوني ضيوف وْلو خلا البيت الرّيال
..............والياخذَت مني رِيال اليا طفَرْت أعيِّنه

........هذي وبس اللي أبيها في الحلال وللْعيال
...........ياهل ترى يمّه بالاقي بنت من هالعيِّنه ؟

يالمعتفس :

طلبك .. أجودية وزود عليها فاتنة الجمال
بنت تقول لك لبيه قبل لاتطلب انت العيّنه

بنت وابوها أصيل .. وفيه كثير من شيم الرجال
وأمها من طيبها كل يقول .. هي ليّنة

تبي ذات الدين وفيها من الجمال ومن الدلال
بنت رزينة ودودة وحبيبة قلب ..وحنيّنه

يالمعتفس .. ابحث وتسمّع في مجالس الرجال
وبإذن الله بتسمع .. وبتلاقي من هالعيّنه 👌

ولو عندي بنت بهالمواصفات وبهالجمال
لاقول خذها لك ..جتك هدية .. وتراها قيّمة

وسلامتك وصح لسانك
لامستني وطلعت مابداخلي
اتمنى اني أجدت وماجبت العيد :MonTaseR_212:
ويارب يسعدك وتلاقي بنت الحلال الي تسعدك

تحياتي لك