منتديات مسك الغلا | al2la.com

منتديات مسك الغلا | al2la.com (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((يا حسرتي كني حبيس المساجين)) (https://www.al2la.com/vb/t106515.html)

القارظ العنزي 04-07-20 01:31 PM

((يا حسرتي كني حبيس المساجين))
 
ودعتهم والعين تقرب من ... العين
وصيتهم باللي صغير ........ وغالي
ما كنت اظن الحال تاصل لهالحين
قلت انها بايام والا ............. ليالي
يا حسرتي كني حبيس . المساجين
ما له جدى يا غير بسجنه ... يلالي
ايامنا نعدها كنها .............. سنين
من ضيقة بالنفس ومن ضيق بالي
الله يفرجها عقب عسرنا ....... لين
ونفرح بشوفة الاهل ..... والحلالي
حلالي اللي ما تجيبه ....... ملايين
ولا يجيبه الفشق ....... والريال ي
عطية الله ما عطوها .. الشحيحين
وهبة من ربي من عزيز ... الجلالي
وهب لي اللي شوفته تبعد .. البين
خيرة عربنا والاهل ...... والعيال ي
سلمان العز وعيدنا فيه ..... عيدين
انا اشهد انه هو ولدنا ....... المثالي
يا رب تبعد من فرق بين .... غالين
شر الكرونا حطمت كل ....... حالي
ترفع بلاها عن ديار ...... المسلمين
على عدوك صبها ........ بالكمال ي
على اللي دونك يعبدون الشياطين
يالله يالمعبود يا خير .......... والي

القارظ العنزي

احلام عابره 04-07-20 02:00 PM

ياربي يارب السما ........ والارضين
تلطف بحال الي مفارقله ...... غالي

القارظ الي صرخته صرخة.. سجين
يشكي من الوحده وسوء.. الاحوالي

مشتاق للي عمره ما تعدى .... سنين
سهران.... ليله وياطولها ...... الليالي

يالله يامن وضعت العسر بين يسرين
يامارج...... البحرين ملح .... وزلالي

ترد الغريب .. لديرته .....والمحبين
وينعم صغيره بعطفه ...... والدلالي


الشاعر العذب
القارظ العنزي
صح لسانك
فصيده من اجمل ما قرأت لك

احترامي

البرنـ،،،ــس 04-07-20 02:01 PM

الله يالقارض انت واحلام صح لسانكم

بدعتو والله

القارظ العنزي 04-07-20 02:35 PM

يا حلام ياحلام الغلا ... والوفيين
لك طلة مثل القمر نوره .... قبالي
ياحلام تعالي شوفينا .... حزينين
تعالي شوفي الحال يا ويل حالي
يا بنت ين ناعور وام ... البساتين
وين الحسين ووين دار .. الجبالي
يا حلام ما شفتي مع الناس غالين
واغلا ما فيهم واحد من ... حلالي
ياحلام ان شفت عزيز .. الفريقين
قولي لنا ياحلام نصبر ....... ليالي
ترى الخبر الزين ..... يخفف البين
وترتاح به الروح ويرتاح ..... بالي

القارظ العنزي 04-07-20 02:35 PM

صح بدنك البرنس
حياك نورت المتصفح

أعد النجوم 04-07-20 03:03 PM

صح لسانك شاعرنا القارظ


صح لسانك احلام




يختم ل3 ايام

تقييمي

خمس نجمات


الساعة الآن 09:29 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا