((عشق تبويس))
 

لا تنخدع بالبيض لو هن ... جميلات
ترى بعضهن قرصة الداب .. وابليس
ترمي على دربك عجيب .. العلامات
ومن اول نرميه للترف ...... بالكيس
صارت هي اللي تجذبك .. بالاشارات
مسكين كانك عشت همك هواجيس
تسهر طوال الليل والدمع .... زخات
وان نمت نومك يالوليدة .. كوابيس
احذر تجيبك للسواقي ..... وطلعات
من عقبها ترميك بكل ... التضاريس
حتى تعاف الحب والحب ... مشقاة
ما يطلبه يا غير رجل ..... المقاييس
ارفع مقامك للبنات .......... العذيات
اللي لهن في منهج الحب. .. تدريس
حب حقيقي ما ترود ........ الهديات
ما هي من اللي عشقها عشق تبويس
وانا بلايه وحدة تطرب ........ الذات
ما دورت في عشقها التيس والهيس
تطرب لشوفة مطلق تطربه ...... ذاة
بنت عريبة ما هوت يمت .... التيس
تغفر الذنب وتعطي الحق .. باسكات
ولا هي من اللي تختفي . بالمتاريس
هي هقوتي كانه يوافق هلا .. وهات
عجل عليه قبل تصحي .. المناحيس

القارظ العنزي

صح لسانك شاعرنا القارظ

ابيات وقافيه رائعه


تقيييمي

خمس نجمات

انت الرايع لاهنت
اعد النجوم وصح
بدنك يالغالي

ماشاء الله صح لسانك


وبيض الله وجهك



ابداع رسمته هنا وتألق توهج بعذب الأبيات

أسرتـــنا بـعزفك الـساحر

ولحنك الذي تنساب منه الروعة والإبهار

مقطوعة متوهجة أبدعت في نسجها

اتمنى لك مزيداً من الإبداع والتألق

لك خالص تقديري واحترامي .

صحة روعاتك آياز
هذا من لطفك وتواضعك
مرورك شرف وتقييمك
شهادة نعتز بها