ردي على قصيدة الشاعر .. المعنا .. شب الحطب يا نجم ضاوي ...
 

السلام عليكم يا .. آل مسك الغلا .. ورحمة الله وبركاته ...
صبحكم الله بالخير والصحه والعافيه ...

هذا ردي على قصيدة اخوي الشاعر .. المعنا .. الثانيه ...


يقول .. نجم ضاوي ..


جيتك عجل ماني كسل ياصاحب الرد القوي
ان كنت شاعر كلنا في ساحة الشعر شعرا


بجيك راكب فوق خيلٍ . يطوي البيدا طوي
مطلق عناني والنجم .. يقهر ولا هو . يُقهرا


ابشر بردن يوصلك يشويك ها الليله شوي
الله يعينك .. دامه الضاوي . بقيفانك طرا


ان كنت منته مستوي غصبا عليك بتستوي
ابشر بضربه ترجعك . عقب التيامن ميسرا


خل عنك الجنان محدن على الضاوي قوي
ايه .. حتى انته .. يالمعنا . . للنجم ماتقدرا


ايه بالله اني شاعر وشعري ترا يدوي دوي
يدوي كما صوت الرعد في وسط ارضٍ عرا


كم من ضامي من غيوم النجم ضاوي روي
قافي ترا مثل المطر يسقي جذور ويثمرا


واللي ينافسني بقله .. مثل بن فصلا يوي
اركد فديتك . . قبل ما ارقدقك تحت الثرا


... بقلمي ..

أخوكم .. نجم ضاوي ..

إهداء وحصريه لمنتديات ... مسك الغلا ...

‌



ان كنت منته مستوي غصبا عليك بتستوي
ابشر بضربه ترجعك عقب* التيامن*ميسرا

ههههههههه يقطع ابليسك



رد شافي وكافي يا صديقي


ابدعت فيه وامتعت

ولا يهون شاعرنا الرائع المعنا ابدع أيما ابداع



انطربنا معكم بهذا التساجل


لقلوبكم كل الود .

شاعر المسك ونجمه الضاوي
صح لسانك ملايين
رد كافي ووافي
ابدعت كالعادة
لك ودي واحترامي

ابشر بردن يوصلك يشويك ها الليله شوي
الله يعينك .. دامه الضاوي . بقيفانك طرا

عز الله جاه الرد :0005:
قريت الأصل والرد وجداً استمتعت وجسدت الموقف ..
صح لسانك ولسانه ..انتظر جديدكما
متابعه >
:MonTaseR_221:ض