((يا نور اهلها والعرب والمعازيب))
 

لا تحسبني عن جنابك ........... تخليت
لا والذي هو يعلم السر .......... والغيب
لكن ظروفي الحي ما تسعف .... الميت
ولا ودي تبقى كنك الميت ....... واغيب
ما تدري اني من فراقك ........... تأذيت
والنوم ما له في خفا العين ..... ترحيب
وعز الله اني في غلاكم ......... توصيت
والرب يشهد وش جرا لي من .... الريب
ظلمت نفسي لاجلكم .......... ما تهنيت
اخشى هوانا يجلب الظلم ...... ويخيب
فالمعذرة وان شفتني اليوم ..... صديت
لاجلك انا صديت لا يزعل ....... الذيب
صديت من شانك يا هوى البال واقفيت
والا انت مثلك بالمزايين ....... ما جيب
وعز الله انك بالحلا ذايع ........ الصيت
يا من لبست التاج بين ......... الرعابيب
يا شمعة بالقلب والروح .......... والبيت
يا نور اهلها والعرب ........... والمعازيب

القارظ العنزي

صح لسانك ابو سلمان
مليون صح كلك

الله بجمعك مع هلك واحبابك
قصيده رائعه كالعاده
دمت كما تحب


احترامي

صح بدنك احلام
بس من ذوقك