04-11-20, 03:36 PM
| #1 | |||||||||||
 
| 
الفصل الاول : درس (١) واجهة الفوتوشوب و ادواته الاساسية  بسم الله الرحمن الرحيم و به نستعين ،، نبدأ معكم اول درس بيكون نظري ،، نتعرف فيه على واجهة الفوتوشوب و الادوات الاساسية : اقصد بها الادوات اللي دايم نستعملها و لا نستغنى عنها ابد  * الفتوتوشوب عندي 2020 و انا حطيت لكم 2019 مافيه اختلاف كبير ان شاءالله ،، و السبب اني ما لقيت لكم روابط التفعيل تبع 2020 لأجهزة الويندوز و انا جهازي ماك ،، لذلك اطلب منكم لو اختلف عليكم شي بين جهازي و جهازكم خبروني برنامج الفوتوشوب Photoshop CC 2019 مع التفعيل نرجع للدرس اول ما تفتحون الفوتوشوب تلاقون هذي الواجهه قدامكم  حتى نفتح صفحة جديدة نضغط Create New بعدها يجيكم صفحة تحطون فيها مقاسات العمل او التصميم اللي بتشتغلون عليه مبدئياً بنحط هالمقاسات و على حسب حاجتنا راح نغير المقاسات  نحط الخيارات الموضحة في الصورة الطول و العرض زي ما تحبون حجم التصميم ،، و ممكن تتغير بعدين على حسب ما يتطلب العمل معكم وحدة القياس اللي هي البيكسل ،، هي المفضله دايم في التصاميم اللي نعرضها هنا في المواقع و الا اي تطبيق نحتج نعرضها فيه الدقه resolution احنا ما نحتاج اكثر من 72 لانه كل ما زودنا العدد كبر حجم التصميم كحجم مو ابعاد نحتاج نزيد العدد في التصاميم الاعلانيه اللي تحتاج طباعة خلاص حددنا الخيارات نضغط بعدها على create و تطلع لنا هالشاشة  اجلسوا تأملوه شوي <- بدينا الخرابيط خخ  الحين بنتعرف على الادوات اللي ع اليسار ،، و اكثر الادوات اللي بنستخدمها دايم هي اللي بركز عليها الحين و شوي شوي نبدأ نتعرف على غيرها  انا هنا حددت الادوات اللي دايم نستخدمها و لا نستغنى عنها ،، و في دروس قادمه بنتعلم على ادوات جديدة الحين بشرحها وحدة و حده 1- اداة التحديد : غالباً تكون دايم محدد عليها تحتاجها لما بتحرك شي من مكانه مثلاً كتبت شي في مكان ، بتغير مكانه حدد ع الداة و اضغط مطول على الكلام و اسحبه في المكان الجديد 2- اداة التحديد : مثلاً نبي نحدد جزء من التصميم و ننسخه او نحذفه او بحدد ايطار و لتحديد جزء معين في التصميم و نغير عليه و لو ضغطت مطول على الاداة بتطلع لك غير المربع دائره وخط و هذي هي ادوات التحديد .. و لها استخدامات عدة نتبحر فيها كل ما احتجنا لها 3- اداة القطع : هي لإقتصاص جزء معين او لتغير حجم العمل اللي انت جالس تشتغل عليه 4- الفرشاة : او البرش لها اشكال كثيره نقدر نحملها و هي اشكال جماليه للتصميم ك فرش السحب او ادوات موسيقيه ، او عبارات انجليزيه و راح نتطرق لها في دروس قادمة ان شاء الله 5- المساحة : طبعاً ما يحتاج اشرح و اتفلسف شارحه نفسها 6- التلوين : بتلون جزء او كامل العمل و تختار اللون اللي تبيها و تضغط ضغطه وحده و ييتلون العمل 7- الكتابة: زي المساحة <- ي شين الشرح بس خخخ يعني ما يحتاج اشرحها 8- العدسة : تحتاجها تكبر جزء من التصميم عشان تعدل او تمسح اجزاء فيه بكل دقة 9- الالوان : تختار منها اللون اللي تبيه زين منت شايفه الاحمر لون امامي و الاسود لون خلفي و خلصنا الجزء الايسر من الواجهة اللي هي الادوات ننتقل للجزء الايمن اللي هو مركز التحكم اعتبره  الليرز او الطبقات او الشفائف هذي مركز التحكم لك بالعمل و التصميم ، لما نبدأ التصميم راح تعرف ليه هي مركز التحكم و اذا مي ظاهرة لكم ،، اقولكم كيف نطلعها  بكذا نكون انتهينا من شرح الواجهة و الادوات الاساسية اللي ما نستغنى عنها و الليرات و كيف نطلعها اتمنى يكون كل شي واضح لكم و اي سؤال انا حاضرة لا تترددون بالقدر اللي اعرفه عن الفتوشوب راح اعلمكم عليها ،، و ارجع و اقولكم انا هاويه و الفتوشوب بحررررر كببير كل ما تعمقت فيه راح تبدع بس شغل خيالك و طاقاتك و ابحر و اتعلم و انا لازلت اتعلم بالتوفيق لكم جميع محبتكم : النور  | |||||||||||
 |
|
04-11-20, 03:58 PM
| #2 | ||||||||||||||
|
مبدعة اوخيه انرتينا بهذه المشاركة الجميلة والشرح الوافي الكافي سلمت يداك | ||||||||||||||
| |
|
04-11-20, 04:25 PM
| #3 | ||||||||||||||||
 
|
من جد شرح وافي يعطيك العافية ياقلبي عرفنا الدرس الأول  | ||||||||||||||||
| |
|
04-11-20, 04:29 PM
| #4 | ||||||||||||
|
هلا بابلتنا الجميلة  يسلموا على الدرس تصدقين انا اللي عندي اتوقع2020 نزلته قبل الدورة المهم مشكورة جهودك يعطيك الف عافية | ||||||||||||
| |
|
04-11-20, 05:05 PM
| #5 | |||||||||||
|
كل الشكر لكم ،، و الله فرحتوني ،، فيه ملاحظه جتني من شيخ الذوق ان الكتابه تطلع مقلوبه ،، لذلك سويت توضيح ع السريع كيف نعدل الكتابة عشان تصير عدله ، <- ما عندنا احد يمشي بالمقلوب خخ تطلع بذي الطريقه     و بكذا نعطي شيخ الذوق 5 درجات على هذي الملاحظه اللي غفلت عنها و بكذا يكون الدرجات كالتالي شيخ الذوق :20 عناق الغيم : 15 رماد الاحساس : 10 يالله شدو حيلكم جمعو درجات عشان الهدايا <- اصلح ابله صح خخخخ  | |||||||||||
| |
|
04-11-20, 05:18 PM
| #6 | ||||||||||||||||
|
وووواو شيخ الذوق يستاهل  ويهطيك العافيه ي اميره ان شاء الله قدها احنا وبنفهم على طول باذن الله ماراح نلعوزك | ||||||||||||||||
| |
