حـال القصـيد ، حصرية - منتديات مسك الغلا

**أنا فداهم** · 04-13-20, 07:12 PM

*

*

إما قصيدٍ يشدك قبل تلقى به
... ، شيٍ يجدد جروحك ثم يداويها
يقتات حسْ الشعور ويفتح أبوابه
... ، ويجرّ تنهيدته من صدر راعيها
وإلا بليا الظهور اللي من أسبابه
... ، عيّت مياهه تعوّد في مجاريها
لا شفت حال القصيد وحال كُتّابه
... ، قمت أتوجّد على الساحة وماضيها
أحدٍ حضوره كأنه يشرح غيابه!
... ، وأحدٍ غيابه ترك فرصة لباغيها
يا قلّ من يرفع المعنى و يشقى به
... ، يا كثر ناسٍ تدوسه في مواطيها!
كلٍ يقول الشعر عندي وأنا أولى به
... ، وأنا أول القوم وآخرها و ثانيها
يا الله عساني ماصير بيوم ملعابه
... ، وأكذب على نفسي الكذبة وأمشيها
لا صار مالك قصيدٍ جزل ويجابه
... ، ترى نصيبك من صفوفه بتاليها
الله من شاعرٍ تذكره بترابه
... ، قصايده خلّت الموروث يرويها
واللي طموحه كسير وماعدا بابه
... ، قلّه ترى نجمتك عافت مساريها
كم واحدٍ لو يفك لصدره أسرابه
... ، علّق قصايد هلْ الساحة برجليها
واللي يقول القصيد اليوم متشابه
... ، قلّه ترى البلّ تتبع صوت حاديها

*

*

**أعد النجوم** · 04-13-20, 07:15 PM

والله قصيده رائعه جداً

يعطيك العافية على هذا الابداع

يختم ل 3 ايام

تقيييمي

خمس نجمات

**الوله** · 04-13-20, 08:17 PM

‌

هذا القصيد اللي عليه الكلام

سبك وحبك

ومعنى ومبنى

وتفرد وعذوبه

لله درك يا شاعرنا

ومثل ما قلت

إما قصيدٍ يشدك قبل تلقى به
... ، شيٍ يجدد جروحك ثم يداويها
يقتات حسْ الشعور ويفتح أبوابه
... ، ويجرّ تنهيدته من صدر راعيها
وإلا بليا الظهور اللي من أسبابه
... ، عيّت مياهه تعوّد في مجاريها

أعتقد رسالتك وصلت !

اسعدني هذا الجمال والتميز منك

لك كل الود والاحترام .

**BlueCocktail** · 04-13-20, 08:38 PM

ماشاء الله
صح لسانك واعتلى شانك
جزله من جزل
يعطيك العافيه انا فداهم

**قيثارة** · 04-13-20, 08:38 PM

أزهرت قصيدتك شعراً وشعوراً
أبيات جميلة وحروف عذبة
صح لسانك .. ودام نبضك

**نجم ضاوي** · 04-13-20, 09:51 PM

اي والله إنك صادق يا .. انا فداهم .. اجزلت وخالقي ...
هذي هو القصيد اللي يشرح الخاطر يا صاحبي ...

صح لسانك مليون ولا يسدون يا .. فداهم ..
سبكت المعني وحبكت المبنى لله درك ...

لا خلا ولا عدم ...

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي للجوال
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات فلة الكتابي	شات سعودي		شات تعب قلبي	شات حبي
شات الخليج	شات قلوب السعودية	شات غلا الخليج