|
بين الفرح والحزن عندي مسافات بين الفرح والحزن عندي مسافات .. واللي يسلي خاطري مدري وينه طالبك ترجع لي ترى الحب مامات مامات حبن من زمن غارسينه وفيت لك وهبت نفسي لك اوقات واهديتك الريحان والياسمينه غطيتك بعيني وللبرد لفحات خشيت قلبك وذكرت اتحصينه مذكر على موعدنا ردتني سجات والقلب وافي صوبكم ياضنينه ترى العمر محسوب يمضي بلحظات لا تتركين اللي عطاك الثمينه عشنا ثمان سنين ماله شبيهات واقفى حسين الوصف واقفت سنينه القلب به ياكامل الزين حسرات عايش واحس الروح بسمك دفينه بانت على عيوني من الهم علامات اسمع بعضهم قالو الله يعينه اجامل الرفيق واخفي بي عبرات احاول اخفي دمعه بالعين كنينه |
| الساعة الآن 09:54 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا