منتديات مسك الغلا


 

إضافة رد
 
LinkBack أدوات الموضوع انواع عرض الموضوع
قديم 04-20-20, 08:31 AM   #1
مطنوخ

الصورة الرمزية مطنوخ
رفيع الشآن

الهوايه »  الأدب و الشعر
‏وقالوا : يَعِيشُ المرءُ بعدَ حبيبِهِ
يَعِيشُ .ولكن سَلهُ كيف يَعِيشُ ؟!

 الأوسمة و جوائز

افتراضي ودي أضحك ودي امـزح ودي اطـق الهجينـي



نامـت عيـون العبـاد وليـه أنـا ماتـنـام عيـنـي
واهـنـي الـلـي لـجــاه الـنــوم يـرتــاح بمـنـامـه

ودي أضحك ودي امـزح ودي اطـق الهجينـي
ودي اطرب واطرب اللي نـاح مـع نـوح الحمامـه

ياملكـي اللـي يسـاري ياملكـي اللـي يمينـي
اكتـبـن والا امـسـحـن ميـعـادنـا يـــوم القـيـامـه

راسـي اطلـق راس لـو ان الليـالـي تحتريـنـي
يستـحـق الـتـاج الأصـفـر لا عـقــال ولا عـمـامـه

والله انـي خابـر ان الـمـوت الاحـمـر مقتفيـنـي
وان سلـمـت الـيـوم بـاكــر ماتـحـريـت الـسـلامـه

من وراي اللي يحسب ايام مايحسـب السنينـي
وكـل يـومٍ ينقضـي يكتـب عـلـى جنـبـه عـلامـه

وّالله انـي باغـي الدنـيـا وهــي والله تبيـنـي
وافترقـنـا ليتـهـا تطـلـب مـهــر غـيــر الـكـرامـه

راسها من تحت رجلـي ورجلهـا لمسـت يدينـي
وكل ما اطـى راسهـا تفعـل مثـل فعـل النعامـه

يـوم جـاء مندوبهـا الجليـس قـامـو واقفيـنـي
غيـر أنــا ماقـمـت لــه ماقـلـت عــز الله مقـامـه

والتفـت بالـلـي وقــف ثــم لــد العـيـن فيـنـي
أهب مـا اقشـر نظرتـه مـن بعـد ذيـك الابتسامـه

نظرتـه سـوت مسافـه بـيـن خـلـق الله وبيـنـي
دريو انــه ينتـقـم مـنـي وخـافـو مــن انتقـامـه

واضحكونـي وازعلونـي ذيبهـم عـود حصينـي
اثـــري الـدنـيـا بـهــا لـفــه ومـيـلـه واستـقـامـه

وش تبـا الدنيـا تسـوي بواحـدٍ ضلعـه متيـنـي
عزمه اقوى مـن الحديـده والحديـده مـن عظامـه

فارقـيـنـي مـاعـلـي خـــلاف لـــو تفارقـيـنـي
اعتـزي بسبـع الجـدود وكـل جــد ولــه زعـامـه

وعايديهـم فـي نهـار العيـد انــا لا تعايديـنـي
يرفعون بك الجمـل وانتـي شـدادك فـي سنامـه

وان سلم راسي تهوني غصب عنك تطاوعيني
خامتـي هـي عـز راسـي خامتـي يـاوي خـامـه


 


رد مع اقتباس

قديم 04-20-20, 08:37 AM   #2
خفوق الروح

الصورة الرمزية خفوق الروح
روح خآوآهآ الشموخ

MMS ~

 الأوسمة و جوائز

افتراضي



راسـي اطلـق راس لـو ان الليـالـي تحتريـنـي
يستـحـق الـتـاج الأصـفـر لا عـقــال ولا عـمـامـه

أبيات جميلة.'
صـح السان شاعرها , وتسلم ع النقل ..'
تحياتي .'

.'


 


رد مع اقتباس

إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 02:28 AM.

Powered by vBulletin® Copyright ©2000 - 2021, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63