|
المعامله؟؟؟ يغازلها قدامي صدمني في منتصف الليل في ليلة البارحه , وفي كورنيش مدينة الخبر تحديداً ، كنت أقضي وقتي مع صديقي (( سلطان )) كنا مستمتعين بالنقاش في الجانب الرياضي , قطع حديثنا أتصال لهاتف صديقي سلطان , أجبرني ذلك الأتصال على السكوت والأستماع فقط : سلطان (( هلا والله بالغاليه , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه , أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبيه اللي رفضت تعيد لك أختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي , بغيتي أجيب لك عشاء من هارديز الحين , تأمرين أمر , بس ترى بجيبه وأنزله عند باب البيت وأمشي لأن معاي صديقي يالله نشوفك على خير والله الله بالمذاكرة )) أنا :? أفاااااااا يا سلطان , مسوي محترم وولد ناس واخر شي تغازل ؟ ? سلطان? : أنا اللي مفروض أقولك افاااااا , لأنك تشك فيني وأنت تعرفني زين ياصديقي ? . أنا ? : أيه أعرفك زين والقهر أني ما أدري أنك راعي غزل ومكالمات اخر الليل , ماعلينا المهم وين بيت البنت عشان تودي العشاء لها ? . سلطان : البنت يا طويل العمر بنفس البيت اللي ساكن فيه أنا , وتحديداُ بالغرفه اللي بجني غرفتي , لأن هذي المتصله أختي ? (( وعلامة الثقه تملئ محياه)) . أنا ?. : من جدك تكلم أختك كذا ؟؟ تستهبل ؟؟ والله أنك منتم صاحيين يالحضر , أجل فيه أحد يكلم أخته كذا ويعرف كل شي عنها ? ؟؟ سلطان ? : نعم فيه ناس تكلم أهلها كذا , تدري ليه ؟؟ أنا : ليه ؟؟ سلطان :طيب , لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح , فهمت الحين ليه أعامل أختي كذا ? ؟؟ إنا : ايه فهمت سؤال/ لو كل أخ يعامل اخته مثل سلطان ، أو كل اب أو أم يعاملون بناتهم مثل سلطان .. هل سيسكنون في قلوب الغرباء تعليقي الخاص: وهذا من جد اللي لازم يصير الكلام الحلو لازم يسمعوه البنات من الاهل اولا ويتعلموا الاولاد يكونوا حنونين على اخواتهم لانه بيفيد البنت وبيفيد الولد بكره اذا تزوج ماتشتكي زوجته من جفافه العاطفي وشرايكم بالموضوووع هل طريقة تعامل سلطان مع اخته صحيحه ؟؟؟ وهل فيه طرق افضل في التعامل معنا احنا الجنس الناعم ؟؟ وهنا سؤالي للبنات ماهي الطريقه اللتي تريدين اخاك ان يعاملك بها ؟؟؟؟؟ لاهنتو يهمني اشوف آرائكم المفيده تنبيه(القصة منقوله) دمتم بود:111: |
بالأوّل .. لك ولكلّ قارئ .. كلّ عام وأنت بخير بذا الشهر الفضيل .. والله يجعلنا من صوّامه وقوامه .. ليت الشباب كلّهم مثل سلطان .. وأتوقع إنّ السّواد الأعظم مثله .. لأن حاليا اختلفت المفاهيم وبدت الناس تكون واعية .. الرّجل .. ما تكتمل رجولته إلا إذا احتوى أهله وحسّت البنت بأنوثتها معه .. أشكرك على طرحك للموضوع .. |
اقتباس:
مااتفق معك بان الجزء الاكبر مثله>>انا ما احكي عن نفسي احكي عن ناس اشوفها بعيني وفعلا الرجل ما تكتمل رجولته الا اذا احتوى احبائه شكرا لكرم الحضور |
بصراحة انا واخوي نتعامل بالاثنين يعني عادي يكفخني بجمع ع اساس يلعب معي واذا طلعت قام يتصل ويقولي اشتقتلك ومتى ترجعي فأحس انه ما اهم شي نتصنع المشاعر كثر ما المشاعر الحقيقه هي الأهم وأحس كل شخص وله أسلوبه وطريقته بتوضيح مشاعره ولكن الأهم انه يكون فيه تفاهم .. انعدام الثقه والتفاهم هو اللي يجبر الشخص ينفر ويدور حد يحويه ويسانده ويقوم فيه ويسمعه هو اللي يجير البنت او الولد يبحث عن حد يكون سند له ومكان دافئ يحويه ويحس جنبه بالراحة كلام جداً جميل وطريقة الدخول بالموضوع جدا اعجبتني :icon10: |
اقتباس:
حتى انا واخواني كذا بس اقلك انتم كذا ما تتعاملون بالاثنين وانتوا علاقتكم مبنيه على الحب والمرح >>ركزي على المرح ربي يخليكم لبعض:MonTaseR_222: فعلا الثقه جدا مهمه هي الاساس واذا انعدم التفاهم تنعدم العلاقه والانسان بطبعه يبحث عن الحنان و الاحتواء عند احد او اخر اشكرك على المرور العطر :111: |
اقتباس:
يب يب م اقصد الاثنين يعني جفا وعطف الحمدلله .. الله يحفظلك اهلك واحبابك حبيبتي بالعكس كذا مواضيع تصحي ناس وتذكرهم انه العطف مع الاهل مو غلط انا اللي فرحت بكذا تفكير وموضوع :0741: |
| الساعة الآن 07:52 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا