((رمز البلادة))
 

كم من يهايط بالملا وقال... مطنوخ
غير المهايط ما ذكر شي ...... شايع
واليافحصته واقعه جلد ..... منفوخ
ما له حقيقة غير مسكين ..... ضايع
ياللي شريت الجلد ناعم .. ومصلوخ
ما ظنتي يقنيه شاري .......... وبايع
ياللي تبيع الكاس والكاس . مشروخ
ما ينجلب لو جبت كل ....... الذرايع
ولا كل من يجلب من التين والخوخ
فيه الطعم لو باع ذيك ..... البضايع
تلقاه مر وخلقته تقل ....... ممسوخ
ولا يدين بدين خير ......... الشرايع
الهرج شين وبمعدن الشين . ممروخ
ولا فيه امانه لو تعطيه ...... الودايع
رمز البلادة وشلته كلها ....... ادلوخ
واطيب ما فيهم ذايب الطبع .. مايع
يا صاحبي نسل المناعير ... وشيوخ
ياللي ترود الطيب وفعل ... الصنايع
عليك باللي لبسهم بالعرب .... جوخ
مسيارهم وان جوك جتك ... النفايع
عدوهم تلقاه دايخ ........ ومدخوخ
وصديقهم ما لاعه بالوقت ..... لايع
في مجلس تلقى به الهيل له .. فوخ
ومفطح من جود ذرب ....... الطبايع
مزبان من حاله من الوقت . مرضوخ
والا رفيق صاعه بالوقت ...... صايع

القارظ العنزي

أنا فداهم طبت وطاب مرورك العذب
أيها الشاعر العذبى ، اما اني شاعر بني
وايل ، فهذا شرف لم ولن أدعيه ، واما اني
حكيم فهذا من تواضعك لاهنت ، لكن وصفك لي
بخبرة عمر طويل هذي كيف نملص منها ههههه
لقد كشفت عن المخفي الله يسامحك ، صحة ايامك
يالغالي فلا تحرمنا من مرورك الكريم وتعطير متصفحي
المتواضع لك كل التحايا والتقدير

صح بدنك عمر
لاهنت والجميل
هو مرورك العطر

صح لسانك شاعر فصيح المعاني جزيل الكلمات
يختم ل3ايام