((غلطة وصارت يالنجل))
 

غلطة وصارت ..... يالنجل
اغفرها ليه ما ........ تعود
والله ماكرر ........ الحجل
يا لين البيض يعودن سود
عشت الحزن عشت الوجل
من عقبك يا حياة .. العود
يا خير عيالي ..... والنجل
انت الأمل عقب . الجحود
وانت السند وانت .. البجل
عقب انقطاعي ... بالسنود
واللي سواها ..... ما خجل
ولا رجاء رزق ..... المعبود
ولا همني كثر ...... الدجل
ولا الخيانة من ...... يهود
عمري قضيته من .... أجل
كسب المعالي .... بالنجود
لكن خذلني ......... العجل
على الردا قليل ...... الفود
وانا حصادي ..... والسجل
ذرب اليمين عند .. الوفود
كتبتها شيلة .......... زجل
لعلها اتبل ........... الكبود
ما صاغها بايع ....... فجل
ولا شريته .......... بالنقود

القارظ العنزي

كتبتها شيلة .......... زجل
لعلها اتبل ........... الكبود
ما صاغها بايع ....... فجل
ولا شريته .......... بالنقود

ابيات معبره وقافيه وآوزان مثاليه
يسلم آحساسك وآبياتك شاعرنا القارظ :ورده:
دمت بتآلق وسعاده

دام عزك تاتوانا
وطابت طلتك
البهية وصحة
روعاتك غاليتي

ادعيك يارب ..وابتهل
تتكرم علينا... وتجود

تحفظ لنا ذاك ..النجل
وتقر به عيون...العود

ضاق الفضا وعينه. تهل
يدعي بقيامه والسجود

فيك الرجا وفيك الامل
لنجله الغالي........يعود

القارظ العنزي
صح لسانك
ربي يفرج كربتك
وتعود لبيتك
احترامي

في دعوتك كل .... الامل
وفي عودتك كل السعود
ما ضاقت دامك .. تبتهل
وتطلب لنا من رب الجود
يرحم ضعيف .. ماحتمل
ولا قدر على .... الصمود
ياحلام عسى دربك سهل
يكفيك الله عين الحسود
جرحي من قافك اندمل
واحس العين تبي . تنود
لولا الخجل لولا الخجل
لاقول احبك .... يالعنود
حب الاخوة ..... لا غزل
والا الابوه ....... بالردود

اجمل شي غلا الاخوه
والنعم فيك
عز الله انك عزوه وينشد فيك الظهر
وانا اسعد الناس باخو متلك
ربي يحفظك
احترامي