مساء الروحانية ،
مساء الجمال ، جمال ايام رمضان السعيد ،،
رمضان جميل و ارواحنا جميلة لذلك لابد ان نتفق ،،
ليلة رمضان بديت ازين في المكان اللي نجتمع فيه و نفطر ،،
و اول يوم من رمضان هو يوم التهاني ،، اوزع عليها نوت و يكتبون عليها التهنئة
و اعلق لهم السبورة للتهاني ،، و تجلس الين نهاية مضان معلقة
و اخلص من الاجواء الجماعية و ارجع لجوي الخاص ،،
احب اسوي لي ركن هاديء ، اجلس و اتأمل فيه ،، اقرأ فيه ،،
الزي :
مافيه زي معين ، هي الجلابيات الرمضانية ، اطقم فيها انا و بنتي
و خواتي كل وحدة مع بناتها ،،
و ذاك اليوم فيه تحدي ،، من التيم الاحلى
و هذا لبسنا رمضان اللي فات ،، رمضان هذا ما امدانا نشتري
مائدة رمضان دايم غنية بأجمل الاكلات و اطيبها ،
الثابت عندنا دايم ، هي الشوربه و المكرونه و السمبوسة ..
و كل يوم نسوي طبق او طبقين زيادة ،،
الطبق الاول
نشوح الدجاج ع النار
بعدها نضيف البصل الين يذبل
وبعدها الطماطم
و البهارات : فلفل - ملح - كزبره
و لو عندكم بهارات الشاورما احلى
في الصينية نحط البطاطس المقليه
و الدجاج و نضيف عليه الصوص
الصوص : علبة قشطه - ثلاث ملاعق جبن - ثلاث ملاعق مايونيز
في نص كاس مويه حار نذوب مكعب ماجي
و نخلطها مع الصوص
و نحطها علي وجه الصينية و ع الفرن
،
الطبق الثاني
نحمس البصل الى ما يذبل
نحط عليه الدجاج و الثوم و الزنجبيل و البهارات
بعدها نضيف السبانخ الين ما تذبل
بعدها نحط
قشطة - نص كوب حليب - ملعقة جبن سايل
الين ما تتجانس الخلطه
في الصينية نحط البطاطس المهروسة بعد ما تبلناها
بالملح و الفلفل و الكزبرة و شوي حليب
نحط فوقها الخلطة
و نغطيها بالبطاطس المهروسه و رشة جبنة موزريلا
و ع الفررررن على طول ،،
،
الحلا
و كذا نجي نهاية تقريري البسيط ،،
ان شاءالله نال استحسانكم ..