يالي من أجلك .. عيوني نثرت ماها
 

يالي من اجلك عيوني نثرت ماها
تعال يمي وحط يديك بيديني

العين جاها من التعذيب ماكفاها
ياشيب عيني من الي شافته عيني

ماتدرين انك جروح النفس ودواها
وانك ربيع الحياه وفرحة سنيني

وماتدري انك هموم القلب واقساها
وانك مثل دمي الي في شراييني

رحلتك محبتك معك اول ظحاياها
والخافي اعظم بعد صبر وتشوفيني

من طاح في نار حبك من فداياها
سلامتي منك لو لحضه تكفيني

ليت السلامه تحقق واتمناها
سلامتي منك لو لحضه تكفيني

انا السلامه ماعاد اني بوياها
يمديني الحق بها ماعاد يمديني

لو المثل قال دورها وتلقاها
دورت فرقاك يوم الله معافيني

والله لاقاوم ضروفي واتحداها
وانسى محبتك لو دينك على ديني

لارحم ابو عشرتك لارحم مجناها
ولارحم دربن لتعذيبي يوديني


وسلامتـكم
#_الشاعر_عبدالله_السميري ..

صح لسانك ابدعت وامتعت

ابيات جزله من شاعر جزل


يختم ل 3 ايام

خمس نجمات

صح بدنك لبى عينك ..


شكراً على مرورك أخوي اعد النجوم ..

شكراً على مرورك اعد النجوم .. وصح بدنك لبى عينك



تحياتي لك .. اخوي الفاضل

صح لسانك يا شاعرنا ألمبدع
أبيات رائعه وذوق راقي .

:Dl3:


صح لسانك ،
يعطيك الف عافيه