|
نعيــــم الــــروح إهداء إلى من لا يكتب الشعر إلا لها يا نعيم الروح يا جنة حياتي يا ملاذ القلب في غربة سنينه أخذ كل أيام عمري المقبلاتي ومن حنانك أعطني لحظة سكينه يا بعد من يلبس حجاب وعباتي كلهم فدوة لشالٍ تلبسينه يا بعدهم كلهم أنتِ غناتي ما تشوف العين غيرك يا حسينه آه من لون الكرز وسط الشفاتي والثنايا كالبرد خلفه سجينه وآه من سحر العيون الناعساتي ومن رمته برمشها ربي يعينه وآه من ذيك الخدود الناعماتي غار منها الورد وأزهار الجنينه وآه من لمسة يديك المترفاتي من ترفها تترف اللي تلمسينه ناعمة و تحير بك كل الصفاتي و يتنعم كل شي تكتسينه فاكهة كوكتيل زايد بالحلاتي موز رمان وكرز خوخه وتينه لو عرفتك من سنينٍ ماضياتي كان ما بين مشيبي قبل حينه بيني وبينك عهودٍ راسخاتي والوفاء بيني وبينك حافظينه ما يفرقنا أبد الا المماتي وما يغيرنا الزمن زينه وشينه معك بأنسى الماضي ومافات ماتي معك يبدأ العمر يا فرحة سنينه بو نورة |
صح لسانك بونوره أسأل الله أن يسعدك ويهنيك ودمت بود وسعاده دائمه . |
بُو نُورُه سطرت ف أبْدَعَت عِشْت وامتعت . |
صح لسانك أخي كتبت فابدعت يختم ل3أيام مع التقييم ربي يحفظك شكرا على الدعوة |
قصيده جزله، وكلمات روعه صح لسانك، ويا حظ من خطت لها يعطيك الف عافيه ماقصرت مررت من هنا |
آبيات رائعه جدا وكلن ع الوزن والقافيه يسلم آحساسك وحروفك شاعرنا المتالق |
| الساعة الآن 07:11 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا