يا يمه
 

من اكفان الاحزان القديمه نسجت بيوت
تغطي على جفون العيون الشقاويه
وصورت بصدور الليالي دموع الفوت
على سكة الاحزان تنزل علانيه
قصيدة تجدد فيني الموت بعد الموت
وتُبث بقَنَوات الهموم المصيريه
يا يمه عليك الله وامانه نسيت القوت
ونسيت اني انا الحي وانتي المقفيّه
احاول اكذب للخبر والخبر مثبوت
واحاول اقول بحلم وانا بحقيقيه
لو البس لبرد همومي الكوت فوق الكوت
ما اظني يخف البرد لو ناري الحيه
غدا هالفضا كله بعيني مثل تابوت
وسهام الليالي كلها مصوَّبه فيّه
من احمد ليا عبدالكريم ان رفعت الصوت
جميع العرب تسمع صراخات مخفيه
عسى من جمع يونس وشاله ببطن الحوت
يجمّعكم بدارٍ بها انهارٍ وفيّه
عزاي انك بوقتٍ مبارك خذاك الموت
ولو دمعتي تغرق ،، يعرف الله النيه

كلمات / سعود الربيلي

صح السانك سعود واحسن الله
عزاءك واعظم اجرك بالوالدة
وغفر الله لها والهمك
الصبر والسلوان .

صح لسـآانك اخوى ،
وعظم الله اجرك فـ غاليتك ،
عسى ربي يرحمها ويغمد روحها الجنه ،
مررت من هنـآا

جزاكم الله خير وصحت ابدانكم

صح لسانك شاعرنا سعود الربيلي
وعظم الله أجرك بألوالده
وسلمك الله ورعاك .

صح بدنك
وجزاك الله خير ونسال الله القدير ان يرحمها ويرحم اموات المسلمين