منتديات مسك الغلا | al2la.com - لم تعد ملامحك واضحة لي!

- - لم تعد ملامحك واضحة لي! (https://www.al2la.com/vb/t108329.html)

لم تعد ملامحك واضحة لي!

اشعر بذلك الضباب الذي يغطي ملامح وجهك لتبدو غير واضحة
تدريجيا حتى تختفي من امام عيني . .

——————

اهلا وسهلا فيكم .. عساكم بخير وسهاله يارب
عندي كثير من رسماتي ما كملتها.. وصلت لنقطة معينه وحسيتها جميلة وكاملة رغم نقصها
مثلا الرسمة هذي.. رسمتها قبل 6 سنين .. وفجاة وقفت اكملها..حاولت كثير اني اكملها
بس دايما كنت احس بشعور ان جمالها في اني ما اكملها .. يعني صارت بنظري " رسمة مكتمله"
واقول اذا كملتها بخربها.. وما بتكون المفضلة عندي مثل ما اشوفها الحين ..

ويا كثر مثل هالرسمات عندي الي مو مكتملات واحسهن جميلات.. وزينتهن بالبرواز..

احس الشخص لازم يطبق الشي هذا في حياته بعد..
مو كل شي لازم يكتمل عسب يصير جميل بنظرك.
ومو كل شي لازم تحط له نقطه النهاية عسب يصير كامل..
اذا اتشوف عمرك مقتنع في الشي ومستانس عليه رغم النواقص.. اكتفي بالفرحه الي اتحس فيه
يعني مو كل سؤال لازم يكون له جواب .. مرات السؤال نفسه يكون جداااا جميل من دون جوابه ..

ان شاءالله بس قدرت اوصل النقطه الي في بالي والي ودي توصلكم

https://e.top4top.io/p_1617bkk1k1.jpeg

ماشاء الله
حنونه بالرسم الرقمي والواقعي
ماشاء الله عنك ربي يحفظك
مررره جميله سلمت الانامل المبدعه
يعطيكي الف عافيه
بانتظار جديديك بشوق
:دموع الورد:

اقتباس:

المشاركة الأصلية كتبت بواسطة رمـآد آلآحسـآسـ (المشاركة 2639948)

هالحضور الا احبه ...
حبيبتي رمـآد آلآحسـآسـ
تسلمين حبيبتنتتتي ...مرورج دايما يفرح :دموع الورد:

.
.

الأخت حنان :81:

بداية الأشياء الجميلة متممة لها
حتى وإن لم تكتمل.
الرسم أجده يبث السلام الداخلي
وأيضا أقوى زفرة تخرج من النفس.

ديمومة فرح وغيمة أمل
:نبض:

رسمة جميلة غاليتي
تسلم الايادي .. وربي يعطيك العافية
يختم لمدة 3 ايام + تقييم 5 نجوم

صحيح ان الجمال دايم مو كامل ،،

و احنا ناقصين بس ارواحنا مكتملة ، لانها اقترنت بالجمال ،،

بس الحقيقه زعلت ان هالجمال ما اكتمل ،،

احس اني اختنقت و انا اشوفها كذا خخخ ليه ما ادري ،،

حبيت رسمك و شغلك ،،

و نرحب بك فنانه جديدة بيننا ،،

اقدر الفنانين