((يا احلام حطمنا بالاحلام الارقام))
 

يا احلام حطمنا بالاحلام ......... الارقام
ولا تحقق بينهم ............. حلم ملموس
انام من ليلي واهوجس ......... بالاحلام
واصبح بوضع بين الاوضاع .... ميؤوس
يا ليتني في يقضتي دوم .......... ما نام
لو يصبح راسي من السهر راس طاووس
تعال ي رد ي شارك ي بهم .......... الايام
هم جلب لي بالوجع عدة ........ ضروس
ياحلام شوف ي حالتي كلها ....... اوهام
زود على فعل الكرونا .. .... ومضروس
حتى المشاعر اقلعت واقلع ......... هيام
وحظي غدا بين المزايين ....... منحوس
من العام وقبله بالبلا عدة .......... اعوام
ناخذ بها في همنا دروس ........ ودروس
وانا بلاي وغبنتي بعض ............ الازلام
ناس تشمت فهمهم ......... دوم منكوس
وطير الفلس من بينهم يشلع ...... وحام
ويرجع على وكره خرابات ..... وطعوس
يفرد جناحه ويتشبه ................. بغنام
وغنام وكره بالجبل ماكر ..... .... الروس
هيا تعال ي عجلي قبل ........... الاسقام
اللي بدت بي وفكرنا صار ....... ملحوس
قامت توزع من شراييني .......... اقسام
واخطر ما فيني عرقنا يقطعه ..... موس

القارظ العنزي

صح لسانك القارظ

ابيات جزله


يختم ل 3 ايام

تقييمي


خمس نجمات

صح لسانك شاعرنا ألمبدع ألقارظ ألعنزي
قصيده رائعه ودمت لنا ودام حضورك ألجميل.

صح لسانك وعلا شانك
لاهنت
دمت ودام لنا قلمك
:ah11:

لبيه ياموجه القصيد.. .... لاحلام
وعلى كل بيت أشعلت.... فانوس

الحال ماهيب على.........مايرام
وكني مع الزمن فحرب ن ضروس

حجر وفرقا احباب واوجاع وآلام
واصبح قلبي بعد اخضراره يبوس

قاعد من شتاتي أعد......... الايام
وكل يوم أكثر. من ال قبله نحوس

عايش حياتي فاماني ...... واوهام
واظلمت ايامي فغياب.... الشموس

صح بدنك اعد النجوم لاهنت