اترك البئر الشحوحي
 

--<☆>{ اترك البئر الشحوحي }<☆>--
لا لا تعذب قلبك واترك البئر الشحوحي
اللي خلقه خلق غيره وكل ابيأخذ نصيبه

وشد العزم بالله يا ذاك وخلك سموحي
لا تطرد ورى المقفي ومن عابك لا تعيبه

لا غاب طبيب وجد آخر يداوي جروحي
ومن استعان بالله عَيَّنْ له بدايل طبيبه

لا تِرَجى مخلوق وتِرَجى خالق نصوحي
يجدد لك افراحك واللي تبيه منه يجيبه

لا لا تعذب قلبك واستغفر الله لا تنوحي
ادر واعلم عندالله دواء الجروح العطيبه

كم عاشق صار دمعه على خده سفوحي
قتل نفسه من كثر البكا على فرقا حبيبه

تِمَنِّيِه النفس برجوع الحبيب الطموحي
والمسكين شيب الرأس منه قبل المشيبه

ليله مع نهاره يصيح جيبوا دواء روحي
ودواء روحه تلقاه عايش مع ناس غريبه

أنا عاشق وجربت العشق سنين بروحي
حبيت ولا في الحب الشريف شك وريبه

غصب افترقنا والنار كلت دوحه ودوحي
عشت عشر سنين هايم مثلي محد دريبه

عذال قلبي يسألون واكتم السد مابوحي
وقلبي يتعذب واخفي عن العذال تعذيبه

واحساسي يقول إنه بعذاب قلبي يوحي
وده إنه إبيرجع لكن الرجعه عليه صعيبه

خبره من حس بعد الفوات كبدي تفوحي
وصحت عزاه لكبد ما طفت نارها القريبه

لطف بي ربي وبدلني بروضة بعد دوحي
احمده اطمأنت النفس بعد ماكانت كئيبة
الشاعر/ حمد بن فهد المخالده السبيعي

صح لسانك

جمل حالك
ويعطيك الف عافيه

صح لسانك عزيزي ألغالي أبو فهد
أبدعت وأمتعت مسامعنا ياغالي.

صح لسانك اخي الشاعر حمد

ابيات راقيه



تقييمي

خمس نجمات

صدقت والله يا حمد
ونصحت بكل ماهو طيب

على فكرة يالقرم انت جمعت بين احلى اسمين في قلبي

حمد و فهد

ربي يحميك ويحرسك ويحفظك
وان شاء الله تثري الموقع بكل جزل

كنت هنا

تسلم لنا أخي الغالي يحفظك ربي عزيز الشأن ويرفع من مقدارك دين ودنيا وآخرة ربي يبلغك مرادك ويوفقك لما يحبه ويرضاه ويحقق لك أحلامك ويزيل عنك ألامك ربي يسعدك سعادة تثلج صدرك واحبابك..
ربي يحفظك لك حمد و فهد ويجعلهم لك قرة عين
أخوك/ حمدفهد