منتديات مسك الغلا

 


موضوع مُغلق
 
LinkBack أدوات الموضوع انواع عرض الموضوع
قديم 06-11-20, 10:22 PM   #1
بو نوره

الصورة الرمزية بو نوره

آخر زيارة »  اليوم (01:37 PM)

 الأوسمة و جوائز

افتراضي حمــــام الـــــورقــــ











احسبها وضعت كل النقاط على كل الحروف والله اعلم

بسم الله ابدأ
::
::
لا يـا حمـام الـورق ياللـي مهنتـك جــرّ اللـحـون
أسـرفـت فــي الاجـــواد حـتــى بـيّـحَـت مكنـونـهـا

ما دام خلانك قريب من الغصون إليـا الغصـون
وش لك على ذيـك الطـروق اللـي تجـرّ لحونهـا؟

صوتـك ترانيمـه شجَـن وانـا بـعـد كـلـي شـجـون
لا واعـذابـك يالقـلـوب الـلــي تـهـيـض شجـونـهـا

دارك قـريـب ولا عـرفـت البـعـد فــرّاق الـظـعـون
و حــرّ الـفـراق يـولّــع الـجـمـره عـلــى غليـونـهـا

الشـوق يجبـرنـي عـلـى بــدع المثـايـل والفـنـون
وانـــا سـلـيـطٍ فــــي مثـايـلـهـا و بــــدع فـنـونـهـا

دنيـا تجرّعـنـا العـنـا مــن كــل شـكـل وكــل لــون
لا قـلـت زانــت عــوّدت ثـــم عرّضـتـنـي متـونـهـا

والنـاس مـا منهـا رجـا تـوعـد وتخلـفـك الظـنـون
حـتـى الامـانــه ضـايـعـه مـــا عـيّـنـت مامـونـهـا

مـاكـل مــن يدّانـهـا يـصـدق و يـوفـيـك الـديــون
مـنـهـا بـــري لانـيــب ضـامـنـهـا ولا مضـمـونـهـا

بلـشـت بعـيـال الظـهـر والـيــوم بـعـيـال الـبـطـون
الله يـكـافـيـنــا عـــيـــال ظــهــورهــا و بـطـونــهــا

لا جيت تضحك لك ولا قفّيـت تضـرس بالسنـون
مـثـل الـذيـاب الـلـي عـلـى البـيـدا تـحـدّ سنونـهـا

وجدي على اللي يسبق الكلمـه بنظـرات العيـون
أدعَــج غـنَـج يـاخـذ مــن الآرام زيـــن عيـونـهـا

ابو رمـوشٍ ظلّهـا يضفـي علـى ذيـك الجفـون
تعيـش رعشـات الرمـوش الـلـي زهَــت بجفونـهـا

وابو جديل ٍ لا ضوى يسدل على بيض المتون
ليلـة دجـى تصعـب علـى الساريـن مـا يسرونهـا

يـا عـود مـوز ٍ مرتـوي يسقيـه هتّـان الـمـزون
لا هـبّ نسنـاس ٍ مـن الغربـي تميـل غصونهـا

يا مسحة الكف الندي يـا نبضـة القلـب الحنـون
يـــا غـيـمـة ٍ خـيّــل عـلــي بـرّاقـهـا و مـزونـهــا

يا نسمـة العطـر العـذي لا فـاح عطـر الزيزفـون
الـرنــد فـــي طـرّافـهــا والـعـطــر عــطــر ردونــهــا

قالوا لنا بعض المحبه مـن جنـون ٍ فـي جنـون
وانــــا غــريــم ٍ بالـمـحـبـه جـنّـهــا و جـنـونـهــا

لا هان قدرك يا غضيض صباك وحنا ما نهـون
عِـشـرة زمــن مــا اظــن ننـسـاهـا ولا تنسـونـهـا

يشهد على صدق المشاعـر رب مكـه والحجـون
إنــي عـلــى ذيـــك الـعـهـود أحـنّـهـا و أصـونـهـا

أنـت الوفـا سـاس النقـا كِفيـت صـكّـات المـنـون
يــا بلـسـم جــروح ٍ دهــاة الـطـب مــا يبـرونـهـا

بنيت لك وسط الحشـى درع المـوده و الحصـون
تـمـوت عــذال الـهـوى مـوتـة قـهـر مــن دونـهــا


قلم بو نوره


 


قديم 06-11-20, 10:27 PM   #2
أعد النجوم

الصورة الرمزية أعد النجوم
مَشَـآــآــآعِـر~شَـآــآــآعِـر

آخر زيارة »  اليوم (06:51 PM)

 الأوسمة و جوائز

افتراضي



الله الله

ماهذا يا ابو نوره

والله تعبتنا معاك بهالقصيد العذب اللي مايجيبه الا شاعر جزل مثلك


لله درك وصح لسانك وسلم بنانك


يختم ل ظ£ ايام

تقييمي

خمس نجمات


تستاهل ياشعرنا الفذ


 

التعديل الأخير تم بواسطة أعد النجوم ; 06-11-20 الساعة 11:57 PM

قديم 06-11-20, 11:31 PM   #3
ابو معتز

الصورة الرمزية ابو معتز

آخر زيارة »  02-24-24 (03:13 AM)

 الأوسمة و جوائز

افتراضي



صح لسانك يابونوره أبدعت
وأمتعتنا يا شاعر ألشوق .


 


قديم 06-12-20, 04:05 AM   #4
عيون ناعسه

الصورة الرمزية عيون ناعسه

آخر زيارة »  09-04-21 (05:16 AM)
المكان »  السعوديه

 الأوسمة و جوائز

افتراضي



ماشاء الله عليك
تمتلك مشاعر وجمال بالكتابه
سلمت وسلم نبض قلمك المميز
دمت بخير


 


قديم 06-12-20, 08:10 AM   #5
سلمان

الصورة الرمزية سلمان

آخر زيارة »  اليوم (10:37 AM)

 الأوسمة و جوائز

افتراضي



صح الله السانك ياشاعر

عذوبة الكلمة وصور ومعاني

لاينمل منها وشخصك الكريم

حترامي وتقديري


 


قديم 06-12-20, 09:06 AM   #6
الــقيصـر

الصورة الرمزية الــقيصـر

آخر زيارة »  02-01-21 (11:25 PM)
المكان »  أرض الله الواسعــة
MMS ~

 الأوسمة و جوائز

افتراضي



إنسياب كلمات وجمال مشاعر
اجتمعت فيك بو نورة
لتخرج لنا هذه الأبيات الألماسية
صح لسانك
بوح راقي
ماشاء الله تبارك الله
تحيتي واحترامي


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 06:51 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا