والحبُ.. يجلب الونس، رغم ما يأتي بصحبته من لوعة وسهر وخذلانات وابتلاءات..
يعيدُ تشكيلَ العالمِ وترتيبَ الأوراقِ وصناعةِ الأولويات، حتى كأننا من قبلِه طينٌ خامٌ ومن بعده طينٌ استوى بشرًا!

وفي الحبِ كما في الحرب:
ليس مهمًا عددُ الجولات التي خضتَها، ولا الهزائم التي مُنيتَ بها، المهم أن تنتصر في النهاية، وانتصارُ الحب في فرض سطوته وسلطانه على قلوب دراويشه وإن تفرَّقوا وكُتب عليهم فراق الأجساد دون الأرواح.

"كُل الدروب التي سلكتُها أعادتني إلي وكأنني لم أكن يوماً سوى رسالة لنفسي."

لعل أكتر شيء حزين رأيته في حياتي وجود ناس بلا أي أصدقاء. يعيشون في وحدة مطلقة لا يؤبه لهم ولا يُبحث عنهم ولا تتطلع الأنظار إليهم، ولا يجدون من يحادثهم أو يستمع إليهم.

ولو كان بيدي أن أغير شيئًا واحدًا في العالم، لكنت منحت هبة الصداقة لجميع الناس، وجعلت الصداقة من طبائع الأشياء.

لو بتبذل مجهود كبير عشان تحتفظ بالطرف التاني في العلاقة، وبتستحمل وتصبر وتطنش مواقف كتير، يبقى فيه حاجة غلط، رقم ناقص عشان المعادلة تتحل.

فالأصل في التواصل الإنساني: التكافؤ والندية، أقدّم السبت تقدّم الحد، أرخي في موقف، ترخي في موقف، لكن لو فيه حد متمسك أكتر من التاني،..
معطاء ومضحي أكتر، يبقى غالبا مضحوك عليه وبيتم ابتزازه عاطفيا!العلاقات دي شديدة السمية، وبتستنزف الطاقة تماما، والأسوأ إنها ما بتنتهيش بسهولة لأن دايما فيه مساحة من الشك إننا ممكن نكون ظالمينه، طب ندي له فرصة، طب نستنى شوية، طب ما ممكن ما ألاقيش غيره،
لحد ما العمر يتسرب من بين إيدينا زي قطرات المطر!

إحنا بنحب عشان نلاقي نفسنا، عشان يبقى عندنا مبرر نصحى الصبح، عشان نتقدم وننجز ونتحقق، عشان نضحك ونطنطط من الفرحة ونرجع عيال، عشان يبقى بالنا مرتاح وقلبنا واثق ويقيننا مكتمل.
فلو ما كانتش العلاقة بتقدم لك كل ده، يبقى تقف..، وتقطع عرق وتسيح دم وتهرب بقلبك وعقلك وإنسانيتك من الضلال ده، وتكرتنهم وتقفل عليهم في خزنة حديد بكلمة سر، لحد ما تلاقي اللي يقدّرهم صح.

القلب مش بعزقة!

”لستُ مبتهجًا أَو ضجرًا، لكنَ هناك خدرٌ يسري في روحي، أرغبُ في الجلوس دونَ أنّ أتحركَ أو أنطق.“