مجاراة بين الشاعر/ بو نورة.
والشاعر/ حمد بن فهد المخالده السبيعي.

هذه القصيدة: للشاعر/ بو نوره :-
أنا لي زمان ولا لفاني خبر وطروش
من اللي من أول كان يرسل مناديبه​

وذا الليل جاني علم والهوش وسط البوش
تقدم به المملوح في شكن و ريبه​

فرحت و حزنت و جرّش القلب تسع جروش
و قام الهوى من ميلة الحظ يومي به​

أنا مرتبش بالحب لو ماني بمربوش
كما ربشة اللي هـبّـلوا به معازيبه​

وألا يالهواويـّـه غديتوا طعام جحوش
مدام الهوى كل المهبـّـل تهذري به​

ترى الحب سر ولا يومّـن عليه خدوش
وترى الخدش خدش يودّي العلم و يجيبه​

يسوم الحكي بالقرش لو ما معاه قروش
و لمن سمع له علم عـوّد يغني به ​

و لا كل من ناوش على العاليات ينوش
ولا كل من يوعد بميعاد يوفي به​

ولا كل سيلن لا أنتحى في الشعيب يطوش
و عذرك على اللي طامعن في غثاريبه​

ولا كل من هاوش دسم لو عليك يهوش
على نعم وإلا قالوا الناس والخيبه​

ولا كل من جـرّب نقش في الكتاب نقوش
بعضهم يعيش ولا تفيده تجاريبه​

ومن عيشته بالغش تالي الزمن مغشوش
يعيش و يشوف آخر نتيجة ملاعيبه​

بيوتن طرت والفكر من بدعها مدووش
على قاف ما نجهل بفنه و ترتيبه​
قلم بو نورة
============================
وهذه القصيدة: رد الشاعر/ حمدفهد السبيعي:-
♡<{ اسم على باب الطهر منقوش }>♡
لا لا يا بو نوره فكركم عالي ولو مدووش
ما سهرت الليل تغذي الفكر بفنه و ترتيبه

اسم على باب الطهر ما خط بل منقوش
نقشت حافظ كتاب الله بالفخر يحريبه

ومن غير عنك طريقه اتركه وله لاتحوش
أنت الشجاع اللي يتحاشى الشك والريبة

حي اللي لاشاشت الحرب بالعدل يشوش
مطنوخ في وقتها يعرف عدوه من قريبه

آه ما كنت اعرف إن بعض اللبن مغشوش
واللي غش اللبن في ساعته قام يهذريبه

أثاري بعض الأحيان تلقا لك ناس وحوش
اليا زان زرع غيرهم تفاخروا في تخريبه

من هل الطيب كبرت اغزوزهم والكروش
ينكرون المعروف وسر نكرانهم ما ندريبه

تجينا اخبار خبثهم ما ندفع لها اقروش
ونداري سمعة أهاليهم وقولهم ما نحكيبه

واشهد إن الحب ما هوب فراش مفروش
سر الهوى بين المحبين يندم من يماريبه

كم و كم من اعتلى على عاليات العروش
حافظين السد فيما بينهم وما احد دريبه

وصافي حبهم مثل المرايه ما به خدوش
على وضح النقا يتم اللقاء ما دورو زريبه

كم جاهل للحب يحسبه كحب مجروش
تلعب به الأيادي تخطي ما تغطي تجريبه

والنصيحة يا سمعي للبئر النتن لا تخوش
اتركه على ماهو عليه تسلم من الضريبه

العذر والسموحة لا راعي خبر ولا طروش
والختم صل الله على محمد نبي سري به
الشاعر/ حمد بن فهد المخالده السبيعي
اللهم صل وسلم على نبينا محمد وعلى آله وصحبه أجمعين ومن تبعهم بإحسان إلى يوم الدين

صح بدنك مدد بلا عدد يحفظك ربي عزيز الشأن ويرفع من قدرك بين أهلك ومحبيك ومن تحبين اشكرك حد السماء.
أخوك/ حمدفهد

صح بدنك يالغالي

صح لسانكم شعرائنا العظام ابو نوره وأبو فهد
لقد اجدتم وابدعتم وامتعتم شعراء ألمنتدى.