لغز
 

مرحبا أعضاء - بعد اذن العضوة تتيانا العزيزة جبت لكم لغز.. بس اللغز تبعي ما فيه جوائز الا اذا حب أحد يعطي جوائز ..يعني اختبار للذكاء : ) ..
اللغز :

كان في أصدقاء ٤ ..ذهبو يتنزهو ب******..
الساعة ٥ المساء اتفق الاصدقاء يفترقوا..،
الساعة ٥ وربع انسمع اطلاق نار، واجا البوليس وتم جمع الاصدقاء الساعة ٦ تماماً..ويلي هم كالتالي :
دان، مايكل، توم..
والمقتول اسمه جاك..

البوليس استدرج بالتحقيق الاشخاص وكانت اجاباتهم كما يلي :

دان ( كان مغير تيابه ): انا ذهبت بسيارتي الساعة ٥ للبيت وبيبعد حوالي ٣٥ كيلو متر.. ورحت اغتسل لأنه الجوّ حارّ وغيرت تيابي بعدين استدعاني البوليس واجيت.

مايكل ( كان في نزف بسيط على اصبع يده اليمين ) : انا اتمشيت شوي ب******.. وشفت كرسي، وغفيت ع الكرسي وجرحت اصبعتي بسبب قطعة خشب مكسورة ع الكرسي واتأخرت بالمجيء وقت التحقيق لانه الكرسي بعيد عند البحيرة واجيت مشي.

توم : انا كنت مريض اليوم ولهالشي انا الوحيد يلي غادرت اصدقائي اول واحد الساعة٤:٥٠ دقيقة... رحت بسيارتي عند اقرب صيدلية حوالي ٥ دقايق بالسيارة من ه****** واشتريت دواء ، وكنت بطريقي للبيت يلي بيبعد ١٠ كيلومتر خلف البحيرة ..واتصل فيني البوليس
واجيت

من خلال الاجابات ممكن تعرفوا القاتل ..؟ مين ؟ : ) ...

آهلين عزيزتي زهره
يسلمو ايديكي ع اللغز الجميل

طبعآ انا فصلت مشاركتك وحطيتا بموضوع خاص فيكي وبآسمك
كرمال باقي الاعضاء كمان يشوفوه ويشاركو فيه من ميله
ومن ميله2 موضوع لغزي كان لازم آقفلو لانو خلص وقتو
وماحبيت ينحبس لغزك جواتو وحبيت ياخد حقو بالاهتمام والرد

منجي بقا للجواب مع آني مريت عليه بشكل خاطف وسريع وماركزت
بس بتصور آنو القاتل هوى / مايكل لآجاباتو الغير منطقيه :-

1- كيف حدا مجروح بيقدر يغفى بهيدي السرعه وع كرسي حديقه الجامده ؟
2- آصلا وقت الجريمه مش وقت نوم ولا قيلوله !
3- بُعد البحيره والكرسي عن مبنى البوليس (وتقريبا حسب آقوال توم بيبعد شي 10 كم)
وهيدي مسافه طويله ,,, كيف بيقدر حدا يقطعو مشيا ولاسيما هوى انجرح ايدو ؟؟!!


بس برائي في سؤال مهم بهيدا اللغز انتي ماذكرتيه وهوي // لشو آنقتل جاك ؟؟!!

ممكن اخر واحد هو القاتل
لانه بالاصل اتفقو انهم يغادرو الساعة خمسة
ف كيف طلع قبلهم بعشر دقائق وهم مع بعض طلعو

أهلًا أهلًا.
كافي نستمتع باللغز،
مُش مهم الجوائز.

بالنسبة لجوابي الشكوك تدور حول دان،
فكرت فيها بتمعُن وعجزت ألقى جواب لهالسؤال.
" هل قطع كُل هالمسافة لسبب الجو حار ؟. "
" وأنه فقط أغتسل وغير ثيابه ؟. "
كلامه بشكل عام غير مُقنع بتاتًا.
إحتمال غير ملابسه وأغتسل بسبب بُقع دم الضحية عليه!.
لأسباب أُخرى أشك بـ دان.

عُمومًا الله يعطيك العافية،
أنتظر جديدك دائمًا عَزيزتي.
دُمتِ.

لي عودة إن شاء الله
إذا صفى البال كويس

ويعطيك العافية

تسلم الغالية يلي نقلت الموضوع..تسلم إيديها.:111:


وما شاء الله عليكم...في عضو بينكم أجاب إجابة الصحيحة :MonTaseR_98: