فن القصائد المربوعة: مجاراة بين شاعرة و شاعر
 

فن القصائد المربوعة : -
مجارة بين شاعرة و شاعر>>(احلام عابره - حمدفهد)
بودي اكتب.... قصيده
واردد الحرف..واجيده
ويجي المعنى كماريده
والغالي يفهم....كلامي

محتار اكتبله. .بالاشاره
والا بصريح...... العباره
ياريتني لبيته...... جاره
وارسله الشوق. بسلامي

قلبي من غيابه موجوع
وعيوني تهل.... الدموع
قولوه البعد...... ممنوع
هو فرحتي... وابتسامي

هاذ الغلا شاغل..... بالي
ولاهو داري..... باحوالي
سهرانه عيني...... ليالي
وطيفه ساكن...باحلامي

هيك وبس
احلام عابره
=====================
<{ حدى القلبين انكوى }>
آه من البعد والله ما أريده
خص في البروده الشديده
والله العالم باحوال عبيده
لمثلك يالغلا اهدي سلامي

وصل لي سلامك بالاشاره
يغنيني عن صريح العباره
بنى لك قصر بجد وجداره
ورفرف فيه عظيم اعلامي

لو القلب من حجر مصنوع
يلين ياغالي بذيك الدموع
غصب علي ما نيب قطوع
ترفق بقلب يودك ياغرامي

في البعد ما تفارق خيالي
تفداك روحي قبل أموالي
اليا غدت احوالك احوالي
أرجوك لا تزود علي ألامي

لمن صرنا في الهوى سوى
قالوا حدى القلبين انكوى
ما يعرفون اللي منه هوى
قولي ياربي حقق احلامي
الشاعر/ حمد بن فهد المخالدة السبيعي

مجاراة رائعه وجميله فيها الكثير من ألإبداع
للشاعره ألمبدعه أحلام عابره وألشاعر المبدع حمد فهد
سلمكم الله و رعاكم ودمتم بود وسعاده دائمه .

فديتك ابو معتز يحفظكم ربي عزيز الشأن ويرفع من قدرك دين ودنيا وآخرة.
اخوك/ حمدفهد

صح لسانك ياحمد الفهد
مجاراة عذبه وجزله
جعلتني افخر. بقلمي
احترامي

صح لسانه ولسان أحلام
مجاراة جدا راقيه ،
يعطيك الف عافيه ماقصرتوا جميع

صح بدنك مدد بلا عدد يحفظك ربي عزيز الشأن ويرفع من قدرك دين ودنيا وآخرة
أخوك / حمدفهد