سحر الهوى سرى
 

-<{سحر الهوى سرى }>-
قالت وينك قلت لها موجود
آه منها غابت ولا ادري وينها

سائلك يا ذا العطاء و الجود
تأخذ بيديني وتأخذ بيدينها

وسائلك تعمي عين الحسود
وعلى امور دينها ربي عينها

سلوت الخاطر تعدت حدود
يا الله عسى ما غرها زينها

يحلى الشعر لصار له ردود
قوافيه تراقص لأجل عينها

ما ألوم العنيد عاشق العنود
قضى دينه ولا قضت دينها

ما كل عاشقة ترقى السنود
ولا كل عاشق يحمي عرينها

سلم العرب يحمل عدة بنود
وجاهله لايأمن قطع سكينها

سحر الهوى سرى ياللي تنود
والقلب تقطع من كثر ونينها

لا لا تشرب الماء لصابه ركود
والمياه الراكدة قيل ياشينها
الشاعر/ حمد بن فهد المخالدة السبيعي

صح لسانك شاعرنا المقتدر ابو فهد
الله الله على هذا ألإبداع الذي ذاع
تسلم لنا ويسلم لنا قلمك الراقي .

اخي الغالي واستاذي الفاضل ابو معتز صح بدنك مدد بلا عدد يحفظكم ربي عزيز الشأن ويرفع من قدرك دين ودنيا وآخرة ، أسعدتني بمرورك العطر يسعدك ربي.
اخوك/ حمدفهد

شاعر قدير ما شاء الله
صح لسانك :رحيق:

شاعر ولك صيتك الواصل
سلمت لنا وسلم لنا لسانك
يعطيك الف عافيه

أخي الغالي فرات الحكيم صح بدنك.
يحفظك ربي عزيز الشأن ويرفع من قدرك دين ودنيا وآخرة أسعدني مرورك العطر يسعدك ربي ويسلمك من كل شر وفتنه .
أخوك/ حمدفهد