لا تسمع الحساد
 

>>>{ لا تسمع الحساد }>>♡
لا لا تقلد نوح الورق يا خديني
ليه تنوح نوحه وعني تصدد

وحبك يا هوى البال مشقيني
ليه تتلذذ بعذاب القلب ماتردد

لجيت بأقرب منك ما يمديني
ارجوك خل المسافة لنا تحدد

ترى اللي يَعْنِيِكْ بالشر يعنيني
لا تلوم السبيعي الى منه عدد

لاتخلي الحب يبعدك ويدنيني
ونار المحبة في البعد بنا تمدد

لاتسمع الحساد ابعاد وقربيني
تراك مديون ودينك ما تسدد

حلها بالحلال اجيك اوتجيني
وزرع المحبة يهلكه من تشدد
الشاعر/ حمد بن فهد المخالده السبيعي

صح لسانك شاعرنا الفذ ابو فهد
قصيده جميله وحروف مبدعه
يعطيك ألف عافيه ياغالي .

صح بدنك مدد بلا عدد يحفظك ربي عزيز الشأن ويرفع من مقدارك دين ودنيا وآخرة ربي يبلغك مرادك ويوفقك لما يحبه ويرضاه ويحقق لك أحلامك.
اخوك/ حمد بن فهد المخالده السبيعي