لكم مالم يتم نشره مسبقا اخر اشعاري القديمه

أه ياحر الدموع الي من الرجل الغيور
اشهد انها توجعه حيل وتشق نحره

آه كان يصبر العين بالقلب الصبور
لكن البارح جرى شي والله قهره

نور عينه منوته حبه العذب الطهور
في يدين الي خذاها وهي له مجبره

والله ان كني كما الي غرق وسط البحور
ضاقت انفاسي وضاق الصدر والحنجره

كل ماحولي توقف وانا وحدي ادور
لاضجيج ولا تحرك دخون المبخره

ماصحيت الا على لجة ضلوع تثور
بالمكان الي به الحب كنا ننثره

هالمكان الي انا وانت كنا له نزور
صار موحش ياحبيبي يكدر منظره

يشبه القلبي حطامه بقيا بس سور
قلها ابن فطيس يشبه سوار المقبره