|
صــــح وإلا خـطــــا ؟ بسم الله أبدأ :::: يا زين ياللي مع الخفرات مالك شبه وش ذا البطا ياحبيب القلب وش ذا البطا ؟ يا ناعم العود يا سر الغلا وأعذبه الصد بين الأحبه صح وإلا خطا ؟ غبت و تغـيّـبت حتى غابت الأجوبه والبعد ضيّـع سرابه مشيتي والخطا جربت بعدك ولا نجحت معي التجربه والشوق بين الضلوع العوج جمره سطا أنا عطيتك عمر , خط الحبر و إكتبه وقل لي بعد كل هذا وش بقى من عطا ؟ وإن ولّـعوا لك وشاتي يا غناتي حْـطبه بكره بتصلى لظاها سمــر وإلا رطا كل الوشــاة تـشابه بـيّـنه في الشبه لو يختلف هرجهم في الحالتين إخلطا والسم له ناب وجحر الداب من يقربه من يقرب الجحر يلقى دابه الأرقطا وإن ما تـنبـّـهت ماظني تبي تـنـتبه وإن ما كشفت الغطا من يكشفك يا غطا ؟ وإن ما لحقت السنين إن جات متعاقبه وإلا تمــرّ الليالي مثل ســرع القطا أخوكم بو نوره |
الله الله بو نوره من ابداع قصيدة جزله وقافيه جميلة صح لسانك وسلم بنانك يختم ل 3ايام تقييمي خمس نجمات |
اقتباس:
شرفتنا بحضورك الجميل فالجمال اتى مع حضورك ارق التحايا يا خوي |
صح لسانك:MonTaseR_221: |
الله عليك ابدعت والله ماشاء الله تبارك الرحمن صح لسانك وماقصرت في انتظار جديدك |
اقتباس:
ارق التحايا |
| الساعة الآن 12:28 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا