منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ياه يا سنين بتمر (https://www.al2la.com/vb/t109780.html)

بكاء بلادموع 08-01-20 04:20 PM

ياه يا سنين بتمر
 
ياه يا سنين بتمر
والذكرى فيكي وجع
اتعودت فيكي شرب المر
وشوفت فيكي البدع

بس اوعدك هفضل
الطير اللي في سماكي حر
وهفضل رغم البعد
لقلبك صاحب جدع

يا سنين اتعدت وعدت
كفوف الإيد
كام سنه ويا عالم
ايه اللي جاي في العمر

كام سنه ولسه الهوى
شباب وعنيد
ولسه نار الشوق جمر

ولسه وعد المحبه قايم
ولسه لايام اللقا
قلب الهوى صايم
ولسه نظرة عيوني بكر
رغم حبلها من دموع القهر

ياللي غيابك طول
وطال بعدك في ليلي العنا

ياريت اقدر في باقي
العمر واتحمل
بُعدِك ياللي فراقك
عذاب وضنا

وياريت اقد أَصَّبِر
قلبي اللي مل الصبر

بس اجمل شي في غيابك
لما تيجي علي بالي
اللي بقيتي ضله
تضحك عيوني
في دمعتها
وتضحك شرايين قلبي
في دقتها
وتضحك روحي
واصرخ
دي روحي اللي حبيتها
وحبها في قلبي
هو اللي فاضل له
في بواقي العمر

نفس اليوم من كل عام
اللي ينبت فيه زرعي
وتيجي تلمي محصولك
من ارضي البور

وقلبي الغيط
اللي بهواكي فيه ترعي
ولما ييجي الليل
هتلاقي حضني البيت
والاقي غيابك
هو السور اللي متهدش
مابين ارضي وبين القصر

يا ذكرى ميلاد الدنيا
في هوى روحي
طول السنه مجروح
ويومك ده دوا جروحي

لما الاقي ضحكتك طلت
وضيك انواره في السما هلت
ما انتي شمس صبحيتي
وفي ليلي قمرها
وعمري اللي ضلمه
بتستنى طلوع الفجر


ياسر ابراهيم


https://www.************/watch?v=KkgPTVEtJrI

رونق 08-02-20 06:13 PM

صح لسانك اخى الفاضل
يعطيك الف عافيه

حمدفهد 08-02-20 08:42 PM

صح لسانك وسلمت يداك الوضاءة وقلبك الطاهر.
روووعة تلك الخواطر الجياشة .صدق المعاني تنبي عن صاحبها والسيرة الطيبة تبقى طيبة إلى الأبد يحفظك ربي عزيز الشأن ويرفع من مقدارك دين ودنيا وآخرة.
اخوك/ حمدفهد

ابو معتز 08-03-20 01:10 AM

صح لسانك شاعرنا المبدع بكاء بلا دموع
قصيده رائعه من شاعر مبدع
يعطيك ألف عافيه وتسلم ياغالي .

بكاء بلادموع 08-04-20 12:42 AM

أحبتي الكرام

كل عام وانتم بخير
ادام الله عليكم ثوب العافيه

وأشكر جزيل الشكر
كل من مر من هنا
وكل من ترك بصمة من حروفه

لكم كل التقدير والاحترام
كل شخص باسمه ولقبه
وموقعه من اعماق قلبي


تحيه عطره لكم جميعا


الساعة الآن 07:46 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا